1 чэрвеня ў 19.00 у Музеі сучаснага выяўленчага мастацтва ў межах выставы “Георг Базеліц. Друкаваная графіка 1965-1992” адбудзецца канцэрт паэта і выканаўцы ўласных песень Алеся Камоцкага.
Бард прэзентуе адзін з апошніх сваіх альбомаў пад назваю “З бацькоўскай кружэлкі”.
Алесь Камоцкі нарадзіўся 9 чэрвеня 1958 года ў Барысаве. У 1975-1976 навучаўся ў музычнай вучэльні па класе кларнета (Маладзечна). У 1977-1979 гадах служыў у войску. У 1986 годзе скончыў філасофскі факультэт Беларускага дзяржаўнага універсітэта. Жыве ў Мінску.
Алесь Камоцкі з’яўляецца аўтарам паэтычных зборнікаў: “Спроба ісці па расе” (1997), “Наспадзяванае” (2004), “48” (2007), “Глыбіня дажджу” (2007); музычных альбомаў: “Першы сшытак” (1986), “Зорка спагады” (1999), “Псалмы” (2000), “Асяніна” (2001), “Дым” (2002), “Дом” (2003), “Дах” (2006), “З бацькоўскай кружэлкі” (2008), “9” (2009).
З 1992 года бярэ ўдзел у міжнародных фестывалях бардаўскай песні.
На ягоным рахунку шматлікія супольныя праекты.