19 студзеня а 16-ай гадзіне ў Дзяржаўным літаратурна-мемарыяльным музеі Якуба Коласа ў рамках праекта “Творчыя сустрэчы з рэдакцыямі перыядычных выданняў творчай і навуковай інтэлігенцыі рэспублікі” адбудзецца літаратурна-музычная прэзентацыя часопіса “ЖЖ. Женский журнал”.
Вечарына, якая распачынае традыцыйныя літаратурныя сустрэчы ў Доме знакамітага пісьменніка ў юбілейным годзе, прысвячаецца не толькі 130-годдзю з дня нараджэння Якуба Коласа, але і 13-годдзю з дня ўтварэння першага ў Беларусі глянцавага часопіса для жанчын.
У праграме – выступленні рэдактараў “ЖЖ. Женский журнал”, знакамітых паэтаў, артыстаў, усіх тых, чыя дзейнасць звязана адначасова і з лёсам беларускай літаратуры, і з працай часопіса. Гасцей чакаюць героі інтэрв’ю і спецыяльных праектаў – народная артыстка Беларусі Таццяна Мархель, паэт і пісьменнік Навум Гальпяровіч, паэтка і драматург Таццяна Сівец, бард Алесь Камоцкі.
Прэзентацыя глянцавага часопіса ў Доме-музеі Якуба Коласа – удалая нагода прыемна правесці надвячорак Вадохрышча.