Шаноўнае спадарства!
Дзяржаўны літаратурна-мемарыяльны музей Якуба Коласа запрашае ўсіх неабыякавых да беларускай культуры і гісторыі, усіх аматараў добрай песні на чарговы КВАТЭРНІК У ДЗЯДЗЬКІ ЯКУБА, які адбудзецца 24 ЛІСТАПАДА а 19 гадзіне.
Гэтым разам рэй будзе весці бард, паэт, перакладчык (перакладае з нямецкай, сербскай, польскай, ідыш), аўтар музычна-гістарычнага праекту "ПЕСНІ ФІЛАМАТАЎ І ФІЛАРЭТАЎ" АЛЯКСЕЙ ЖБАНАЎ. Галоўная ідэя незвычайнага праекта Аляксея Жбанава – наблізіць асобы філаматаў і філарэтаў і іх творчасць да сучаснага беларускага гледача / слухача праз сінтэз паэзіі, аўтэнтычнай музыкі, перформансу, візуальных вобразаў.
У праграме працягласцю каля гадзіны будзе шмат добрых песень на вершы любімых паэтаў: Адама Міцкевіча, Францішака Багушэвіча, Уладзіміра Караткевіча, Ніла Гілевіча, а таксама аўтарскіх.
Сардэчна запрашаем!