АРТ-ПРАЕКТ «СТАРЫ НОВЫ ДВОР»
прадстаўляе вечар цыганскай песні
«За цыганской звездой»
28 ліпеня 2013 г. Нацыянальны гістарычны музей Рэспублікі Беларусь у межахах арт-праекта «Стары новы двор» сумесна з Тэатрам цыганскай песні «Шатрыца» ва ўнутраным дворыку музея прадстаўляюць праграму «За цыганской звездой». Арганізатары вечара прапануюць акунуцца ў атмасферу цыганскага качэўя з іх табарнымі песнямі і старадаўнімі скокамі.
Так склалася, што цыганская культура вабіць сваёй таямнічасцю, узбуджаючы непадробную цікавасць з боку абывацеля. Адсюль зараджаюцца разнастайныя міфы і легенды, якія перадаюцца ад пакалення да пакалення. Але цыганская песня зачароўвае сваёй энэргетыкай, дакранаецца ўсіх струн душы слухача. Доказам з'яўляецца прымаўка: «Рускі чалавек памірае два разы: першы раз - за радзіму, другі раз - калі слухае цыган».
Калектыў існуе з 1996 года, з'яўляецца лаўрэатам міжнароднага фестывалю цыганскага мастацтва "ГіляРомэн". У перакладзе з цыганскай мовы "шатрыца" азначае "шацёр". А пад шатром звычайна збіраюцца самыя блізкія і родныя людзі, а менавіта:
- самы каларытны цыганскі барон АЛЯКСАНДР ПІЛЕЦКІ;
- уладальніца моцнага, незабыўнага голасу МАРГАРЫТА ЛУРДЖ;
- збіральніца старадаўніх цыганскіх песень СВЯТЛАНА АЛЯКСАНДРАВА;
- танцорка АЛЕСЯ ЯБЛУНОЎСКАЯ;
- старадаўні цыганскі танец прадставіць ДАША ЛУРДЖ.
Кошт уваходнага квітка – 30 тыс. рублёў
Все события твоего города в мобильном приложении relax.by.
Найди «relax.by» в своем маркете: App Store, Google Play!