8 чэрвеня свята-конкурс кавалёў «Залатая падкова»!
Ужо шмат гадоў Музей Дудуткі плённа супрацоўнічае з Саюзам майстроў народнай творчасці Беларусі. Кожны год у музеі праходзяць конкурсы сярод майстроў розных прафесій. Сёлета 8 чэрвеня ў Дудутках сустрэнуцца найлепшыя кавалі Беларусі! Кожны з іх зможа пахваліцца сваімі дасягненнямі, новымі інтэрпрэтацыямі старадаўніх тэхналогій. На працягу ўсяго дня наведвальнікі змогуць паўдзельнічаць у майстар-класах, паспрабаваць сябе ў якасці каваля. Увазе гасцей музея будуць прадстаўлены лепшыя творы кавальства і халоднай апрацоўкі жалеза.
Стаміўшыся ад працы ля накавальні, госці музея змогуць адпачыць і атрымаць асалоду ад вялікага сольнага канцэрту маладога і таленавітага гурта “Вурай”. Праграма “Вылэтай” заснавана на традыцыйных палескіх матывах і запраўлена неверагоднай харызмай саміх музыкаў. Пачатак канцэрта ў 14-00. Да сустрэчы 8 чэрвеня ў "Дудутках"!
Падрабязней на сайце www.dudutki.by і па тэл.: 8-017-13-3-07-47; маб. тэл.: +375(29) 602-52-50 ; +375(29) 603-52-50
Все события твоего города в мобильном приложении relax.by. Найди «relax.by» в своем маркете: App Store, Google Play!