Гурт “ПАЛАЦ” запрашае аматараў жывой беларускай музыкі далучыцца да ўсіх тых, хто хоча прыслухацца да сваіх пачуццяў, зразумець разнастайныя ідэі музыкі, магчыма, атрымаць адказ на пытанне: які ён – «Палац тваёй мары» сёння?
Музыкі прапануюць разнастайныя творы з розных перыядаў творчасці гурта. Прагучаць улюбёныя хіты з новай праграмы. Гурт прадставіць традыцыйныя беларускія песні і аўтарскія працы, што створаны паводле фальклорных легенд, абрадаў, паданняў.
У складзе гурта – прафесійныя музыкі, якія маюць вопыт працы у розных музычных стылях.
Лідар – уладальнік унікальнага вакалу, кампазітар, паэт, культуролаг Алег Хаменка.
Дзмітрый Карабач – вакал, акардэон, колавая ліра.
Юрый Белякоў – вакал, труба, жалейка, дудка, перкусія
Андрэй Рэй Хвісевіч – вакал, клавішныя, дуда, перкусія
Сяргей Трухановіч – гітара
Дзмітрый Жыгараў – бас-гітара
Андрэй Цераховіч – ударныя
Усевалад Гроднікаў - гукарэжысёр
Гурт “Палац” прадстаўляў Беларусь на шматлікіх музычных фестывалях боль як 20 краін свету.
Да дваццацігоддзя гурта музыкі рыхтуюць да выдання музычна-фальклорны праект «Салдат-доктар» і новы альбом «Кола грукатала».