17 лютага а 19-й гадзіне адбудзецца вечарына “Дударскага клуба” ў кавярні “Бастыён” (вул. Валгаградская, 35; 1 прыпынак ад ст.
“Маскоўская”). Гучанне беларускай дуды (валынкі), іншых народных інструментаў, спевы і танцы, атмасфера сярэднявечнай карчмы.
Дуда (валынка) на працягу многіх стагоддзяў была і застаецца самым міфалагізаваным традыцыйным інструментам беларусаў (даўніх ліцьвінаў). З канца 80-х гадоў ХХ ст. у Беларусі пашыраецца рух па вяртанню беларускай дуды. “Дударскі клуб” – творчае аб’яднанне беларускіх майстроў і музыкаў.
Аўтарамі ідэі выступілі майстры Тодар Кашкурэвіч, Юрась Панкевіч, Зміцер Сасноўскі і Дзяніс Сухі. Ініцыятыва падтрымана гуртамі “Стары Ольса”, “Testamentum terrae”, “ЛітвінТроль”, “Гальярда”, “Келіх кола”, "Кашлаты Вох", "Пераплут" і інш. Для жадаючых – бяскоштныя майстар-класы, кансультацыі ў настройцы і карыстанні інструментам.
Увага! Квіток за 7.000 б.р. дазваляе выбраць у бары любы напой на гэтую суму. У выніку ўваход вольны – Вы траціце грошы толькі на сябе!
Кантакты:
+375 29 66-36-879 (Зміцер Сасноўскі)
Замова столікаў:
+375 17 280-17-67 (Павел)