Лепшыя сябры Герда і Кей весела і бестурботна бавілі час у доме Бабулі, пакуль ім не сустрэлася сапраўднае зло ў выглядзе Снежнай каралевы і яе саўдзельніка Дарадчыка. Снежная каралева закалдавала і скрала Кея, і Герда накіравалася за імі, каб выратаваць сябра з ледзянога палону. На шляху да замку злой каралевы адважная дзяўчынка ледзь не апынулася ў турме; трапіла да разбойнікаў, вандравала па ледзяной тундры і ўрэшце сустрэла новых сапраўдных сяброў: Прынца і Прынцэсу, Маленькую разбойніцу, Паўночнага аленя. А развеяць чары Снежнай каралевы і растапіць абледзянелае сэрца Кея Гердзе дапамагае самаахвярнасць сапраўднай дружбы і бясстрашнасць перад любымі перашкодамі.