С.В.

“С.В.” – фантазія на тэму знакамітай п’есы “Вішнёвы сад” А.Чэхава, дзе з лёгкасцю перамешваецца смешнае і сумнае, дзе акцёры пластыкай і танцам перадаюць складаныя пачуцці і дзе глядач вучыцца саперажываць без дапамогі слоў.. Музычная пластычная трагікамедыя распавядае пра лёс людзей, пра іхнае адзіноцтва і неразуменне адзін аднаго, пра безвыходнасць падзей і пра тое, што яны нічога няздольныя змяніць у лёсе герояў. Героі п’есы не прамаўляюць маналогаў і дыялогаў: кожны з іх жыве ў сваім свеце і не чуе іншых. Ролю Памешчыцы выконвае заслужаная артыстка Рэспублікі Беларусь і Аўтаномнай Рэспублікі Крым Зоя Белахвосцік.