Паэтычны твор Леаніда Пранчака “Афрыканская вандроўка” – у аснове мюзікла “Афрыка”, музыку да якога напісаў вядомы кампазітар Уладзімір Кандрусевіч. Дзеючыя асобы - Кот Мурлыка, Бусел, Кошачка, Певень, Кабан і іншыя персанажы жывёльнага свету - ствараюць на сцэне казачнае музычнае відовішча, напоўненае дабрынёй, любоўю да роднага краю… Бусел развітваецца са сваімі сябрамі і збіраецца ў вырай – далёкую Афрыку. Кот Мурлыка зайздросціць яму і вырашае пабудаваць аэраплан, каб разам з любай Кошачкай таксама зляцець з роднай зямлі і пабачыць невядомую Афрыку.