Смак яблыка

У звычайную беларускую вёску наведваецца амерыканец Майкл Гамон, які некалі нарадзіўся ў гэтых мясцінах і захаваў любоў да роднага краю. Наведваецца, каб сустрэць тут сваё каханне і... кардынальна ўладкаваць жыццё мясцовых жыхароў. Крыху наіўная, але цёплая, светлая і аптымістычная "казка для дарослых" (а менавіта так вызначаецца жанр спектакля) распавядае аб марах, якія пануюць у душах жанчын, аб жаночым шчасці, якому назаўсёды ёсць месца ў рэальным жыцці.