У наш час, калі ў кожнага ёсць мабільны тэлефон, гераіні спектакля “Маленькі свет” чамусьці збіраюцца ў кватэры Жаны і чакаюць званка ад Соні з Амерыкі менавіта каля стацыянарнага тэлефона. Кожны год у адзін і той жа дзень і час яна тэлефануе, каб расказаць сяброўкам пра сваё жыццё, выслухаць кожную з іх.Але ў гэты дзень яна чамусьці не патэлефанавала. Затое з’явіўся Артур, які ўсё пра ўсіх ведае. Адкуль? Вось гэта і неабходна высветліць. А тым часам, у кожнай з нашых гераінь - Лізы, Піскуновай, Вольгі - узнікаюць свае адносіны да гэтага маладога чалавека. Якія? Вось пра гэта і раскажа наш спектакль, дзе праз спачуванне, разуменне ці адмаўленне праяўляецца характар кожнай з жанчын.