- Длительность: 2 г.
Вясна 1945 года. Берлін. У ахопленым вайной горадзе, у напаўразбураным доме выпадкова сустракаюцца двое – савецкі салдат Саша і немка Ані. Яны – па розныя бакі барыкадаў. Ён паранены, а ў яе на руках – малы сын. Абставіны складаюцца так, што ні адзін, ні другая не могуць пакінуць той пакой, які стаўся іх часовым прытулкам. І хаця яны не ведаюць мовы адно аднаго, нейкім дзіўным чынам Саша і Ані знаходзяць дарогу да ўзаемапаразумення. Толькі куды яна іх прывядзе?
П’еса маладога беларускага драматурга Паўла Пражко апавядае пра звычайныя чалавечыя адносіны ў ахопленым вайной Берліне, пра лёс, які можа напаткаць кожнага – але не кожны знойдзе годны адказ на гэты выклік.