Лірычная камедыя на 2-е дзеі
Колін Хігінс
Пераклад Алеся (Аляксандра) ЗАМКОЎСКАГА.
Сцэнаграфія і касцюмы Віктара ЦІМАФЕЕВА.
Музычнае афармленне Аляксандра КРЫШТАФОВІЧА.
Светлавое афармленне Яўгена КУЛЯШОВА, Міхаіла ЛАВІЦКАГА.
Пластыка Дзіяны ЮРЧАНКІ.
Вы ведаеце, што такое сапраўдная адзінота? А як пазбавіцца ад гэтага пачуцця, адшукаць водгук у іншых людзях?
Ніхто не разумее маладога чалавека Гаральда Чэйзана і яго спосабаў выражэння свайго «я». Занепакоеная юнацкімі, бунтарскімі выбрыкамі сына, маці спрабуе знайсці яму нявесту. А Гаральд у гэты час знаёміцца з дзіўнаватай, адзінокай дамай Мод, якая таксама не жадае быць «як усе». Яе шчырыя ўчынкі і бясконцая любоў да жыцця захапляюць Гаральда. Мод адкрывае яму новы свет прыгажосці і радасці.
«Кожны жыве пад замком, але можна расчыніць вокны, апусціць пад’ёмны мост, выйсці, убачыць іншых, агледзецца, паляцець! О, як жа гэта цудоўна — пераскочыць цераз сцяну і спаць пад вольным небам!» — кажа Мод.
Яркія дэкарацыі і касцюмы, мноства танцаў і музыкі ў жывым выкананіі ствараюць выключна пазітыўную атмасферу. Спектакль прасякнуты лірычнасцю, рамантыкай і вострым гумарам. Абяцаем: сумна не будзе!