Пан Тадэвуш

Дарагія нашы гледачы!
У сувязі з рэкамендацыямі эпідэміялагічных службаў паказы спектакляў з 12 па 26 красавіка ўключна пераносяцца.
Мы ўдзячныя ўсім, хто падтрымлівае нас і не здае квіткі, хто далучаецца да нашых анлайн-праектаў і праводзіць вечары «Купалаўскім дома», хто дасылае цёплыя словы і свае архіўныя фота з тэатра. Усім нашым гледачам кажам шчыры дзякуй за разуменне, гэта вельмі важна для нас!

Усе квіткі на дадзеныя спектаклі будуць дзейнічаць да канца 2020 года.
Пры жаданні, квіткі можна здаць да 8 траўня ў касу тэатра на Энгельса 7а з 10.00 да 20.00. Для даведкі +375 29 261-21-19.

Шляхоцкая гісторыя ў 2-х дзеях 
Адам Міцкевіч 

Спектакль пастаўлены паводле культавага твора генія трох народаў — Беларусі, Польшчы і Літвы, — Адама Міцкевіча. Паэма, напісаная ў традыцыях рамантызму, апавядае пра каханне, рыцарскую годнасць, штодзённасць старога шляхоцкага побыту. “Пана Тадэвуша” называюць таксама гімнам-успамінам пра вольны край, які спазнаў лёс легендарнай Атлантыды. Напісаны на парыжскай эміграцыі, твор Міцкевіча поўніцца настальгіяй пра час і мясціны, якія давялося пакінуць. Геаграфічна паэма прывязаная да Навагрудчыны, гістарычнай Літвы, да якой паэт звяртаецца ў першых радках твора. Знаёмства з гістарычнымі рэаліямі, адлюстраванымі ў спектаклі “Пан Тадэвуш”, дазволяць гледачу дакрануцца да мінуўшчыны Беларусі.