Скачать из Windows Phone Store
a a a a a a a
Кино

Фестываль кіно Паўночных краін «Паўночнае ззянне»

Мероприятие в этом городе уже прошло

Жанр Фестиваль

Кінафестываль «Паўночнае ззянне». Удвая большая праграма і авія-квіткі ў падарунак

19-25 красавіка – Мінск / 20-25 красавіка - Віцебск


Трэці кінафестываль «Паўночнае ззянне» адбудзецца ўжо ў гэтым месяцы і прапануе гледачам пашыраную праграму стужак з краін Паўночнай Еўропы і Балтыі. Агулам фестываль прадставіць 14 стужак з Нарвегіі, Швецыі, Даніі, Фінляндыі, Ісландыі. Упершыню на фестывалі будуць прадстаўленыя фільмы з Літвы, Латвіі і Эстоніі. Менавіта таму пашыраная дэфініцыя фестывалю змянілася – цяпер «Паўночнае ззянне» афіцыйна фестываль кіно Паўночных і Балтыйскіх краін.

Таксама ўпершыню ў праграме фестывалю будуць прадстаўленыя два дакументальныя фільмы. Галоўнымі пляцоўкамі цягам 7 дзён фестывалю стануць кінатэатры «Мір» у Мінску і Віцебску.

Запрашаем вас падрабязна пазнаёміцца з праграмай на нашым сайце.

Сярод цікавостак праграмы 2017 – эстонскі дакументальны фільм «Мурашнік» пра гаражы ў Талінcкім раёне Ласнямяэ, які з'яўляецца пабрацімам Партызанскага раёну ў Мінску; гульнявы фільм «Нарвежскі дамок» - адзін з самых касавых фільмаў у нарвежскім пракаце апошніх гадоў; дакументальны фільм «Усім відовішчам відовішча», музыку для якога пісалі гіг анты ісландскай музычнай сцэны – Sigur Ros; «У крыві» – рэжысёрскі дэбют Расмуса Хэйстерберга - аднаго з сцэнарыстаў «Дзяўчыны з татуіроўкай дракона»; эстонскі намінант на «Оскар» фільм «Маці». І яшчэ шмат цікавага.

Акрамя паказаў у рамках фестывалю адбудзецца шмат дадатковых мерапрыемстваў: майстар-класаў кінематаграфістаў, кінакрытыкаў і, нават, дызайнераў. Свой варкшоп у межах фествалю правядзе фінскі прадзюсар Каарле Ахо, намінаваны на Оскар за найлепшы фільм на замежнай мове; расійскі кінакрытык, спецыяліст па скандынаўскім кіно Антон Долін; рэжысёр, прадзюсар, музыка і адзін з самых паспяховых рэстаратараў у Осла – Ян Вардзёен, а таксама прадзюсар самай любімай фестывалямі ісландскай драмы «Каменнаяе сэрца» - Антон Мані Свансан.
Таксама сёлета мы паспрабуем раскрыць таямніцы поспеху скандынаўскага мадэрну і яго уплыву на брэнд Скандынавіі разам з магістрам крэатыўных і медыя індустрый Дар’яй Яфімавай.

Афіцыйнае адкрыццё фестывалю адбудзецца 20 красавіка ў кінатэатры «Мір» (Мінск, вул. Казлова 4А). Разам з партнёрамі фестывалю авіакампаніяй AirBaltic, «Паўночнае ззянне» дае сваем аматарам магчымасць пазнаеміцца бліжэй з новымі краінамі фестывалю.

Слоган сёлетняга фестывалю – «Сусвет унутры» / Universe inside. Мы верым, што кожны з нас – гэта цэлы сусвет. Незалежна ад вонкавага аблічча, палітычных перакананняў, успрыняцця сваёй ідэнтычнасці, сэксуальнай арыентацыі і колеру скуры. 14 стужак «Паўночнага ззяння» распавядуць пра ўнутраныя навальніцы і спакой, сяброўства і каханне, няўпэўненасць, павагу, адказнасць, сталенне. Словам, тое, што робіць нас індывідуальнасцямі і стварае унутранае святло, якое прыцягвае нас адно да аднаго. Трэці фестываль кіно Паўночных і Балтыйскіх краін «Паўночнае ззянне» – гэта цэлы сусвет унутры кампактнага кінафестывалю.

Сачыць за навінамі цяпер можна не толькі на нашай старонцы ў Facebook, але і на новым сайце northernlightsff.com. Як звычайна, на нашым канале на YouTube – усе трэйлеры фестывальных фільмаў.

Арганізатар: Офіс Савета Міністраў Паўночных краін у Літве (www.norden.lt). Фестываль арагізаваны сумесна з Дацкім Інстытутам культуры ў Літве, Латвіі і Эстоніі, Аддзяленнем Пасольства Фінляндскай Рэспублікі ў Рэспубліцы Беларусь, Пасольствам Эстонскай Рэспублікі ў Рэспубліцы Беларусь, Пасольствам Каралеўства Швецыя ў Рэспубліцы Беларусь, Пасольствам Літоўскай Рэспублікі ў Рэспубліцы Беларусь, Эстонскім інстытутам кіно, Фінскім фондам кіно, Ісландскім цэнтрам кіно, Нарвежскім інстытутам кіно, Шведскім інстытутам кіно, Дацкім інстытутам кіно, Літоўскім цэнтрам кіно. Пры падтрымцы УП Кінавідэапракат Мінгарвыканкама, УП Кінавідэапракат Віцебскага аблвыканкама.

Праграма фестывалю «Паўночнае ззянне»:

19 красавіка
Ад Літвы не ўцячы – 2016 (рэж. Ромас Забараўскас, Літва) – фільм прадстаўляе рэжысёр;
Світанак – 2015 (рэж. Лайла Пакальніня, Латвія);

20 красавіка
Маленькія Крылы – 2016 (рэж. Сэльма Вілхунэн, Фінляндыя) – фільм прадстаўляе прадзюсар Карле Ахо;
Разіта – 2015 (рэж. Фрэдэрыка Аспёк, Данія);

21 красавіка
Каменнае сэрца – 2016 (рэж. Гудмундур Арнар Гудмундсан, Ісландыя) – фільм прадстаўляе прадзюсар Антон Мані Свансан;
Афтэпаці – 2016 (рэж. Патрык Сіверсэн, Нарвегія);

22 красавіка
Мурашнік – 2015 (рэж. Уладзімір Логінаў, Эстонія);
Нарвежскі дамок – 2016 (рэж. Ян Вардзёен, Нарвегія) – фільм прадстаўляе рэжысёр;

23 красавіка
У крыві – 2016 (рэж. Расмус Хэйстэрберг, Данія);
Гігант – 2016 (рэж. Ёханэс Нюхольм, Швецыя/Данія);

24 красавіка
Маці – 2016 (рэж. Кадры Кыўсаар, Эстонія);
Паўкроўка – 2016 (рэж. Аманда Кернэль, Швецыя, Нарвегія, Данія);

25 красавіка
Усім відовішчам відовішча – 2015 (рэж. Бенедыкт Эрлінгсан, Ісландыя);
Народжаныя ў Хэйнала – 2016 (рэж. Туука Тэманэн, Фінляндыя).

Все события твоего города в мобильном приложении relax.by. Найди «relax.by» в своем маркете: App Store, Google Play!   
Отзывы
20 апреля 2015 в 19:58

super

ОСТАВЬТЕ ОТЗЫВ
Отправить комментарий
Нажимая кнопку «Отправить», Вы принимаете Правила размещения комментариев. Отзыв не будет опубликован, если он содержит ненормативную лексику, оскорбления и угрозы