3d 6 arrow-left arrow-right arrow attach attention balloon-active balloon-hover balloon booking car chain close-thin close contacts-fail contacts-success credit-cart edit ellipsis email exit eye-open facebook full-screen google_oauth instagram list-alt login mailru mobile-phone more odnoklassniki phone point settings skype twitter viber vkontakte yandex_oauth
a a a a a a a
Выставки

«Бег па лязе брытвы»

Мероприятие уже прошло

Жанр Фото

Галерэя сучаснага мастацтва «Ў» і кампанія velcom прадстаўляюць персанальную фотавыставу Мікалая Батвінніка «Бег па лязе брытвы».

Адкрыццё выставы 18 сакавіка а 19 гадзіне, уваход вольны.

Канцэпцыя выставы:
«Добра заўсёды мець пры сабе румяны. Можа здарыцца так, што пры абуджэнні ад сну выгляд у самурая будзе несамавіты. Тады варта злёгку нарумяніць твар», — сцвярджае адно з правілаў кнігі «Кодэкс Самураяў». Няма румянаў — пагаліся. І калі першая парада даволі спрэчная ў дачыненні да сучасных мужчын, то другая — звыклая практыка для большасці з іх. Кожны юнак імкнецца выявіць сваю маскуліннасць як мага раней пры дапамозе бацькавай брытвы ці станка для галення.

Для пільнага фотапогляду Мікалая Батвінніка цікавыя: і выразныя вобразы, і статусныя тыпажы, і сяброўскія твары — звыклы працэс галення робіць усіх роўнымі. Літаральны сэнс кадра зліваецца з іншасказальным: фатаграфаванае дзеянне афарбавана і пачуццёвасцю інтымнага працэсу, і небяспечнасцю моманту. А адрэфлексаваная пазіцыя аўтара без любавання сведчыць, што гэтая серыя не «пра» працэс галення, а «пра» непазбежнае адраджэнне мужчынскага пачатку.

Праект «Бег па лязе брытвы» — для смелых і моцных духам мужчын, якія не здрэйфілі пусціць гледача ў свой прыватны свет, такіх як: Уладзімір Цэслер, Іван Айплатаў, Яўген Калмыкоў, Лёша Церахаў, Уладзімір Пугач, Аляксандр Памідораў, Аляксандр Некрашэвіч і іншыя.

CV мастака:
Мікалай Батвіннік нарадзіўся 20 мая 1971 года ў Мінску.
Закончыў Беларускі Дзяржаўны ўніверсітэт інфарматыкі і вылічальнай тэхнікі.
Вучыўся рамяству ў знакамітага майстра Клавіха-Тлепятнёва (Масква). Выкладаў на курсах фотамастацтва ў мадэльнай школе С. Нагорнага.
З 1985 г. М. Батвіннік — сталы ўдзельнік фотавыставаў і міжнародных конкурсаў.
1986 г. — I месца ў рэспубліканскім конкурсе маладых фатографаў, г. Мінск
1998 г. — I месца на конкурсе лічбавай фатаграфіі часопіса «Фото & Видео», г. Масква
Персанальныя выставы былі ў Вашынгтоне, ЗША, 1998г., ў Лейпцыгу, ФРГ, 1999 г., ў Мінску, РБ, 2001г., ў Маскве, Расія, 2005 г., ў Баку, Азербайджан, 2009 г.
Мікалай Батвіннік удзельнічаў у стварэнні кліпаў вядомых беларускіх рок-гуртоў, такіх як «J:МОРС» і «У нескладовае».
Работы М. Батвінніка знаходзяцца ў прыватных калекцыях Балгарыі, Беларусі, Расіі, ФРГ, Японіі, ЗША.

Все события твоего города в мобильном приложении relax.by. Найди «relax.by» в своем маркете: App Store, Google Play!   
ОСТАВЬТЕ ОТЗЫВ
Отправить комментарий
Нажимая кнопку «Отправить», Вы принимаете Правила размещения комментариев. Отзыв не будет опубликован, если он содержит ненормативную лексику, оскорбления и угрозы

AFISHA.relax.by представляет вашему вниманию выставку ««Бег па лязе брытвы»» в Минске, место проведения выставки  - «Ў галерэя сучаснага мастацтва».

У нас вы можете ознакомиться с расписанием выставки, отзывами, кратким описанием, стоимостью входа, оставить свой отзыв и проголосовать за него.