3d 6 arrow-left arrow-right arrow attach attention balloon-active balloon-hover balloon booking car chain close-thin close contacts-fail contacts-success credit-cart edit ellipsis email exit eye-open facebook full-screen google_oauth instagram list-alt login mailru mobile-phone more odnoklassniki phone point settings skype twitter viber vkontakte yandex_oauth
a a a a a a a
Выставки

Міжнародны фестываль графічнага дызайну «Дызайн дыялогу»

Мероприятие уже прошло

Жанр Фестиваль

Цэнтр сучаснага мастацтва ў горадзе Торунь - адзін з самых маладых і актыўна дзеючых нацыянальных інстытутаў, які садзейнічае падтрымцы сучасных польскіх мастакоў, на гэты раз пераносіць сваю актыўнасць у суседнюю Беларусь. У рамках міждысцыплінарнага Фестывалю Графічнага Дызайну - Дызайн Дыялогу сустрэнуцца два розныя мастацкія асяроддзі з іх рознымі гістарычнымі традыцыямі і сучаснымі тэндэнцыямі.

Асноўнай ідэяй фестывалю з'яўляецца тытульнае слова ДЫЯЛОГ - дыялог і абмен вопытам паміж польскімі і беларускімі мастакамі, дыялог розных форм і артыстычных канцэпцый, а таксама дыялог паміж рознымі дысцыплінамі мастацтва – графікай, музыкай і анімацыяй. Дыялог будзе таксама адпраўной кропкай для розных супастаўленняў і параўнанняў, але, перш за ўсё, задача яго заключаецца ў стварэнні мастакам і гледачам магчымасці пазнаёміцца і вывучыць новыя з'явы і формы графічнага дызайну. Фестывальныя прэзентацыі і семінары будуць выдатным полем для абмену вопытам паміж маладымі і пачынаючымі мастакамі і прафесіяналамі з шматгадовым вопытам. Гэта таксама ідэальная магчымасць для пачаткаў творчага супрацоўніцтва, якое можа прывесці ў будучыні да рэалізацыі іншых сумесных польска - беларускіх праектаў.

Удзельнікамі фестывалю будуць выбітныя польскія дызайнеры і дызайн-тэарэтыкі, у тым ліку Давід Кажэква, Хакоба, Homework, Францішак Отта, Міраслаў Адамчык, Шымон Саліньскі, Нікадзім Прэнгоўскі і Рэнэ Вавжкевіч.

- Пленэрная выстава па Плошчы Якуба Коласа (09.09 - 09.10.2011), а таксама выстава ў Музеі сучаснага выяўленчага мастацтва (09.09 - 09.10.2011)
Асноўныя падзеі фестывалю - гэта, у першую чаргу, пленэрная выстава плакатаў на культурную тэму і выстава графічных знакаў – лагатыпаў - у мінскім Музеі сучаснага выяўленчага мастацтва. На выставах будуць прадстаўлены працы беларускіх і польскіх мастакоў. Плакат вельмі часта выкарыстоўвае спрошчаную графічную форму, якая ўвасабляе пэўную кароткую думку, галаваломку. З іншага боку, найбольш радыкальнай формай гэтай канцэпцыі з’яўляецца лагатып, у якім галоўная ідея – сінтэз. Параўнанне майстэрства плакату і графічных знакаў – лагатыпаў – будзе падставай для дыскусіі і арганізацыі творчых семінараў.

- Семінары і лекцыі ў Беларускай дзяржаўнай акадэміі мастацтваў (6.10 - 09.10.2011)
У другой частцы фестывалю, на працягу чатырох дзён, польскія мастакі будуць праводзіць семінары па графіцы а таксама лекцыі, на якіх беларуская аўдыторыя пазнаёміцца са спецыфікай працы польскіх дызайнераў, іх філасофіяй і крыніцамі натхненняў. На гэтых сустрэчах будуць разгледжаны пытанні, звязаныя з тыпаграфікай, фірмовым стылем і формай плаката.

- Мультымедыйны канцэрт (08.10.2011) і прэзентацыя інтэрактыўнай ўстаноўкі (09.09 - 11.09.2011) у Нацыянальнай школе прыгажосці
Адным з мерапрыемстваў фестывалю будзе таксама незвычайны мультымедыйны канцэрт, свайго роду мастацкі дыялог паміж польскім мастаком Міхалам Межвай і беларускім dj’ем Паўлам Амбіёнтам. Аўдыторыя будзе таксама мець магчымасць убачыць вельмі складаную тэхналагічна інтэрактыўную ўстаноўку Паўла Яніцкага, якая дазваляе гледачам актыўна ўдзельнічаць у творчым працэсе. Асноўным элементам інсталяцыі будзе праекцыя, адлюстраваная на падлозе. Гледачы будуць рухацца па своеасаблівым экране, змяняючы размяшчэнне графічных элементаў праекцыі. Усе візуальныя акцыі будуць суправаджацца гукавымі эфектамі.

Вытворамі фестывалю будуць адмыслова надрукаваныя плакаты і лагатыпы ў незвычайных фарматах, якія ў далейшым будуць прадстаўлены таксама ў Польшчы. Віртуальным адлюстраваннем дзейнасці фестывалю будзе спецыяльна створаны вэб-блог на польскай, беларускай і англійскай мовах, на якім будуць дакументаваны падзеі, з'явы і каментары, якія будуць тычацца Дызайну ДЫЯЛОГУ. Трансляцыя ўсіх мерапрыемстваў і сустрэч дазволіць рэгулярна сачыць за дзейнасцю фестывалю. Мастакі і аматары змогуць прадставіць свае працы ў віртуальнай галерэі. Будзе створана магчымасць міжнароднага абмену думкамі і вопытам, можна будзе каментаваць і ацэньваць бягучыя падзеі ў сферы графічнага дызайну.

Уваход на ўсе мерапрыемствы фестывалю свабодны!

09 верасня, 17.00 - Музей сучаснага выяўленчага мастацтва - Адкрыццё фестывалю

Вернісаж пленэрнай выставы плакатаў (Выстава працуе 09.09 – 09.10 Плошча Якуба Коласа)
Вернісаж графічных знакаў - лагатыпаў (Выстава працуе 09.09 - 09.10 Музей сучаснага выяўленчага мастацтва)

09 верасня, 19.00-22.00 і 10 – 11 верасня, 16.00-22.00 - Нацыянальная школа прыгажосці - Інтэрактыўная ўстаноўка - Павел Яніцкі

06 кастрычніка, 10.00-13.00, 15.00-18.00 - Беларуская дзяржаўная акадэмія мастацтваў - Семінар-Каліграфія - Францішак Отта
06 кастрычніка, 19.00-20.00 - Беларуская дзяржаўная акадэмія мастацтваў - Лекцыя - Францішак Отта

07 кастрычніка, 10.00-13.00, 15.00 - 18.00 - Беларуская дзяржаўная акадэмія мастацтваў - Семінар-Плакат - Нікадзім Прэнгоўскі
07 кастрычніка, 19.00-20.00 - Беларуская дзяржаўная акадэмія мастацтваў - Лекцыя - Нікадзім Прэнгоўскі

08 кастрычніка, 10.00-15.00 - Беларуская дзяржаўная акадэмія мастацтваў - Семінар-Піктаграмы - Шымон Саліньскі
08 кастрычніка, 17.00-18.00 - Беларуская дзяржаўная акадэмія мастацтваў - Лекцыя - Рэнэ Вавжкевіч
08 кастрычніка, 21.00 - Нацыянальная школа прыгажосці - Мультымедыйны канцэрт - Павел Амбіёнт, Міхал Межва

09 кастрычніка, 10.00-13.00, 15.00-18.00 - Беларуская дзяржаўная акадэмія мастацтваў - Семінар-Лагатып - Давід Кажэква
09 кастрычніка, 19.00-20.00 - Беларуская дзяржаўная акадэмія мастацтваў - Лекцыя - Давід Кажэква

Все события твоего города в мобильном приложении relax.by. Найди «relax.by» в своем маркете: App Store, Google Play!   
ОСТАВЬТЕ ОТЗЫВ
Отправить комментарий
Нажимая кнопку «Отправить», Вы принимаете Правила размещения комментариев. Отзыв не будет опубликован, если он содержит ненормативную лексику, оскорбления и угрозы

AFISHA.relax.by представляет вашему вниманию выставку «Міжнародны фестываль графічнага дызайну «Дызайн дыялогу»» в Минске, место проведения выставки  - «Национальный центр современных искусств Республики Беларусь по ул. Некрасова, 3».

У нас вы можете ознакомиться с расписанием выставки, отзывами, кратким описанием, стоимостью входа, оставить свой отзыв и проголосовать за него.