3d 6 arrow-left arrow-right arrow attach attention balloon-active balloon-hover balloon booking car chain close-thin close contacts-fail contacts-success credit-cart edit ellipsis email exit eye-open facebook full-screen google_oauth instagram list-alt login mailru mobile-phone more odnoklassniki phone point settings skype twitter viber vkontakte yandex_oauth
a a a a a a a
Выставки

Cogito Albarutheniae. Панарама беларускага мыслення

Мероприятие уже прошло

Жанр Тематическая выставка
Стоимость входа

Свободный

Валянцін Акудовіч: “Прага нашага мыслення наканаваная нам лёсам…”
У Мінску пройдзе ўнікальная выстава, якая прадставіць інтэлектуальны даробак беларусаў за апошнія 30 год.

Энцыклапедыі, анталогіі, альманахі, зборнікі, кнігі, часопісы, пэрыёдыкі – агулам больш за 200 аб’ектаў, якія прадстаўляюць самыя цікавыя інтэлектуальныя выдавецкія праекты ў Беларусі за апошнія 30 год. Беларускі Калегіум, Лятучы ўніверсітэт і Міжнародны кансорцыум “ЕўраБеларусь” запрашаюць на выставу “Cogito Albarutheniae. Панарама беларускага мыслення”. Выстава будзе працаваць у межах Тыдня беларускага мыслення з 16 па 25 верасня ў Корпус 8 (Машэрава, 9).

Адзін з ініцыятараў і арганізатараў выставы, філосаф Валянцін Акудовіч, назваў гэтую падзею ўнікальнай і вельмі знакавай для беларусаў: “Уявіце сабе, на зямной кулі больш за некалькі сотняў краін і нацый. Але нідзе ніхто ніколі не ладзіў свята ўласнага мыслення. Тут мы абсалютна першыя. Першыя! З гэтага вынікае, што прага нашага мыслення наканаваная нам лесам!”.

Але яшчэ 30 гадоў таму выразы “беларускае мысленне” ці “беларускі філосаф” гучалі ледзь не як аксюмарон. Цягам некалькіх папярэдніх стагоддзяў пры ўсіх уладах беларуская думка мэтанакіравана ігнаравалася, здушалася й заганялася ў фармат песень-жальбаў.

Пры першай гістарычнай магчымасці беларусы распачалі культурнае вызваленне стварэннем свайго інтэлектуальнага дыскурсу. Гэта выявілася ў другой палове 1980-х гадоў праз шматлікія філасофскія развагі ў самых розных выданнях, а ад пачатку 1990-х выбухнула вялікай колькасцю інтэлектуальных пэрыёдыкаў, часопісаў, зборнікаў, анталогій ды энцыкляпэдый.

Панарама беларускага мыслення “Cogito Albarutheniae” (“Мыслю Беларусь”) дазваляе пабачыць і ацаніць гэты фантастычны феномен і пераканацца, што Беларусь – краіна мысляроў.

Выстава адмыслова стала цэнтральнай падзеяй Тыдня беларускага мыслення. Як кажа Таццяна Вадалажская, каардынтар Лятучага ўніверсітэта: “Мысленне не жыве на паліцах бібліятэк, у формулах ці адмысловых інстытуцыях – гэты жывы працэс, які знітаваны з часам і кантэкстам. Сучаснасць мыслення – гэта знаходжанне ў пэўным часе, які мае культурныя, гістарычныя і палітычныя каардынаты. Гэтая выстава стварае для нас усіх гістарычны і культурны кантэкст існавання і развіцця. Менавіта таму з яе пачынаецца Тыдзень беларускага мыслення”.

Адкрыццё выставы адбудзецца 16 верасня ў прасторы Корпус 8. Вядзе прэзентацыю Панарамы філосаф Валянцін Акудовіч, кіраўнік аддзялення філасофіі і літаратуры Беларускага Калегіума. Удзельнічаюць ініцыятары і выдаўцы некаторых аб’ектаў Панарамы, стваральнікі прасторы сучаснага беларускага мыслення: Тацяна Вадалажская. Ігар Бабкоў, Валер Булгакаў, Сяргей Дубавец, Ірына Дубянецкая, Уладзімір Мацкевіч, Уладзімір Някляеў, Сяргей Санько, Тацяна Шчытцова.

Імпрэза пачнецца а 18.45 з музычнага суправаджэння гурта EVAND, аўтарская музыка якога, на погляд арганізатараў, вельмі выразна таніруе з гучаннем беларускага мыслення.

Запрашаем усіх жадаючых! Уваход вольны!

Больш інфармацыі пра выставу і “Тыдзень” на сайце www.fly-uni.org 

Все события твоего города в мобильном приложении relax.by. Найди «relax.by» в своем маркете: App Store, Google Play!   
ОСТАВЬТЕ ОТЗЫВ
Отправить комментарий
Нажимая кнопку «Отправить», Вы принимаете Правила размещения комментариев. Отзыв не будет опубликован, если он содержит ненормативную лексику, оскорбления и угрозы

AFISHA.relax.by представляет вашему вниманию выставку «Cogito Albarutheniae. Панарама беларускага мыслення» в Минске, место проведения выставки  - «Korpus8».

У нас вы можете ознакомиться с расписанием выставки, отзывами, кратким описанием, стоимостью входа, оставить свой отзыв и проголосовать за него.