3d 6 arrow-left arrow-right arrow attach attention balloon-active balloon-hover balloon booking car chain close-thin close contacts-fail contacts-success credit-cart edit ellipsis email exit eye-open facebook full-screen google_oauth instagram list-alt login mailru mobile-phone more odnoklassniki phone point settings skype twitter viber vkontakte yandex_oauth
a a a a a a a
Выставки

Іван Чыгрынаў. Адтуль, з бацькоўскага парога…

Мероприятие уже прошло

Дзяржаўны музей гісторыі беларускай літаратуры  сумесна з Цэнтральнай навуковай бібліятэкай імя Якуба Коласа НАН Беларусі 17 снежня 2014 года а 16 гадзіне ладзяць сумесную выставу «Іван Чыгрынаў. Адтуль, з бацькоўскага парога…» і прымеркаванае да яе аднайменнае мерапрыемства. 

Назвай імпрэзы, прысвечанай 80-годдзю з дня нараджэння народнага пісьменніка Беларусі Івана Гаўрылавіча Чыгрынава, стаў радок з яго аўтабіяграфіі. У творчасці І.Чыгрынава, як і многіх іншых прадстаўнікоў філалагічнага пакалення, назіраецца асаблівая прывязанасць да «малой» радзімы. Пісьменнік пісаў: «Мясціны гэтыя дарагія для мяне не толькі тым, што адтуль, з бацькоўскага парога, уецца сцяжынка майго жыцця. Там, у Забесяддзі, на Магілёўшчыне, назаўсёды засталіся сляды маіх герояў, жывых і мёртвых, пра якіх я расказваю у раманах». 

Іван Гаўрылавіч Чыгрынаў нарадзіўся 21 снежня 1934 года ў вёсцы Вялікі Бор Касцюковіцкага раёна Магілёўскай вобласці. Ён належыць да пакалення, у якога вайна прайшлася па самай светлай і радаснай пары жыцця — дзяцінстве. У сваіх творах Чыгрынаў імкнуўся паказаць праўду таго суровага і гераічнага часу, праўду, якая адкрылася яго пакаленню, узгадаванаму вайной і балючай памяццю пра яе. Чыгрынаў казаў: «Вопыт мінулай вайны — не толькі перажыты вопыт. Гэта і навука пра будучае».

Творчы шлях І. Чыгрынава ахоплівае больш за тры дзесяцігоддзі. У друку дэбютаваў вершам у 1952, як празаік — у 1958 годзе ў газеце «Чырвоная змена». Аўтар кніг апавяданняў і аповесцяў «Птушкі ляцяць на волю» (1965), «Самы шчаслівы чалавек» (1967), «Ішоў на вайну чалавек» (1973), «Ці бываюць у выраі ластаўкі?» (1983), раманаў «Плач перапёлкі» (1972), «Апраўданне крыві» (1977), «Свае і чужыя» (1984), «Вяртанне да віны» (1992), «Не ўсе мы згінем» (1996), п’ес — «Дзівак з Ганчарнай вуліцы» (1986), «Следчая справа Вашчылы» (1988), «Чалавек з мядзвежым тварам» (1988), «Звон — не малітва» (1988), «Толькі мёртвыя не вяртаюцца» (1989), «Ігракі» (1989), «Прымак» (1994), кнігі крытыкі і публіцыстыкі — «Новае ў жыцці, новае ў літаратуры» (1983), «Паміж сонцам і месяцам» (1994). У 1984 выйшлі Выбраныя творы ў 3 тамах.

Творчая праца пісьменніка адзначана Дзяржаўнай прэміяй БССР (1974), ордэнам Дружбы народаў (1984),  медалём імя А. Фадзеева (1979), медалём Ф. Скарыны (1992), званнем Народнага пісьменніка Беларусі (1994).
На выставе будуць прадстаўлены матэрыялы з фондаў ДМГБЛ, сярод якіх унікальныя фотаздымкі, рукапісы, кнігі з цікавымі аўтографамі, асабістыя рэчы – ручка, гадзіннік кішэнны, барсетка, акуляры – усяго каля 200 экспанатаў з 600 перададзеных у музей жонкай пісьменніка, а таксама матэрыялы з фондаў ЦНБ імя Я.Коласа. 

Творчасць Івана Чыгрынава — яркая старонка ў беларускай прозе. Лепшыя апавяданні і раманы пісьменніка вылучаюцца глыбокім пранікненнем ва ўнутраны свет чалавека, значнасцю пастаўленых праблем, высокім мастацкім майстэрствам. 

У мерапрыемстве возьмуць удзел даследчыкі і аматары творчасці Івана Чыгрынава, яго сябры і родныя.

Месца правядзення: Цэнтральная навуковая бібліятэка імя Якуба Коласа НАН Беларусі (вул. Сурганава, 15, 6 паверх, чытальная зала п. 601)

Кантактны тэлефон:

+ 375 17 334 56 21 Лідзія Паўлаўна Шагойка, Дзяржаўны музей гісторыі беларускай літаратуры
+ 375 17 284 10 13 Алена Пятроўна Дзенісенка, Цэнтральная навуковая бібліятэка імя Якуба Коласа НАН Беларусі

Все события твоего города в мобильном приложении relax.by. Найди «relax.by» в своем маркете: App Store, Google Play!   
ОСТАВЬТЕ ОТЗЫВ
Отправить комментарий
Нажимая кнопку «Отправить», Вы принимаете Правила размещения комментариев. Отзыв не будет опубликован, если он содержит ненормативную лексику, оскорбления и угрозы

AFISHA.relax.by представляет вашему вниманию выставку «Іван Чыгрынаў. Адтуль, з бацькоўскага парога…» в Минске, место проведения выставки  - «Центральная научная библиотека им. Я. Коласа НАН Беларуси, Президентская библиотека Республики Беларусь».

У нас вы можете ознакомиться с расписанием выставки, отзывами, кратким описанием, стоимостью входа, оставить свой отзыв и проголосовать за него.