3d 6 arrow-left arrow-right arrow attach attention balloon-active balloon-hover balloon booking car chain close-thin close contacts-fail contacts-success credit-cart edit ellipsis email exit eye-open facebook full-screen google_oauth instagram list-alt login mailru mobile-phone more odnoklassniki phone point settings skype twitter viber vkontakte yandex_oauth
a a a a a a a
Выставки

Праект адміністрацыі галерэі «Баланс. Улічваючы абставіны»

Мероприятие уже прошло

Жанр Тематическая выставка

 Праект адміністрацыі галерэі

Баланс. Улічваючы абставіны


9.10 – 4.11.2012

Адкрыццё выставы 9 кастрычніка а 19-ай гадзіне

Уваход вольны

7 кастрычніка 2009 года стартаваў першы праект галерэі сучаснага мастацтва "Ў". З таго важнага для нас дня галерэя бесперапынна займаецца пошукам і рэалізацыяй мастацкіх праектаў, выставаў, ладзіць адукацыйныя праграмы, стварае арт-супольнасці і структуры.

Трохгоддзе мы адзначаем падагульняючым праектам “Баланс. Улічваючы абставіны”, які па сваёй сутнасці з’яўляецца публічнай спробай статыстычных падлікаў дзейнасці ўстановы па азначаным тэрміне і адлюстроўвае рысы інстытуцыянальнай самакрытыкі. Мы не збіраліся прапаноўваць гатовы мастацкі праект, а хоцелі прадставіць у новым свеце даўнія праблемы: закрытасць спецыялізаваных частак унутранага жыцця канкрэтных механізмаў і, як непазбежны вынік гэтага, праблема інтэллектуальнага і эмацыйнага паралічу магчымага знешняга ўдзельніка арт-праекта, а таксама крызіс упрыняцца мастацтва непадрыхтаваным гледачом.

Кантэкст праекта складзены са спробаў аналізу дзейнасці галерэі. Аднак аналітычная праца – надзвычай экспрэсіўная, кожны складаны механізм звязаны з эмоцыямі і суб’ектыўнасцю, таму, абмежаваўшыся лічбамі, падлікамі, архівамі дакументаў, табліцамі і графікамі, мы пакінулі эмоцыі па-за ўвагай. Ані кроплі какецтва, мы паказалі голы скелет узвышанага мастацтва, не прызямляючы яго, але агаляючы да магчымасці пералічыць кожную костку, кожны складнік.

Паняцце балансу не з’яўляецца супярэчлівым апрыёры. Зразумела, што тут намёк на тое, што існуе нейкае складанае асяроддзе для мастацтва, перадусім для галерэйнай дзейнасці, і ўтрымаць раўнавагу часам каштуе вялікіх высілкаў. З чаго складаецца слуп, які трымае ўсю структуру? Захаванне гэтага баланса – таксама творчасць. Але, як і ў бухгалтарскіх справах, як і ў канатаходстве, баланс неабходны, бо функцыянаванне структуры наўпрост залежыць ад майстэрства пралічваць хады і адчуваць задавальненне ды асалоду ад атрыманых вынікаў. Задаючы сабе пытанні, мы спрабавалі данесці да вас складанасць балансавання ў беларускіх рэаліях. Што стаіць за любым праектам, што стаіць за любой мастацкай дзейнасцю ўвогуле? Як рэалізуецца праект? Якія складнікі мерапрыемства можна пералічыць, якая вартасць кожнага з іх? Што такое праект увогуле, з якіх частак ён складаецца ? І, як вынік, што значыць быць незалежнай галерэяй у Беларусі?

Кіраўніцтва галерэі раскрывае сакрэты і асвятляе таемныя куткі ўсей структуры – нараджэння, жыцця, смерці і месца ў вечнасці – мастацкага праекта. Праз тры гады пасля адкрыцця галерэі мы ўбачылі неабходнасць зацікавіць вас “уводзінамі” ў мастацкі праект, якімі так часта грэбуюць, прадчуваючы цікавы змест.

“Баланс” як прыклад лакальнай крытыкі, звернутай і да ідэалагічнай, і да матэрыяльнай структуры мастацкай інстытуцыі, базуецца не на абстрактным тэарэтызаванні. Пакінуўшы прастору працоўнага кабінета, “Баланс” ператварыўся ў адкрыты праект, шчыры паказнікамі і вольны для меркаванняў звонку. Інтэрактыўны бок праекта прадстаўлены кнігамі скаргаў і прапаноў, у якіх любы наведнік можа пакінуць свой запіс. Робячы на гэтым акцэнт, мы вельмі ўважліва ставімся да пытанняў узаемаўплыву.

Капанне беларускай арт-глебы роўнае падняццю цаліны, дзе гераічныя памкненні ў рэшце рэшт зводзяцца да імпарту новых тэм і тэхнік у выставачнае асяроддзе галерэі, а таксама распрацоўкі новых методык і ўводу яшчэ не засвоеных практык у механізм функцыянавання гэтага асяроддзя.

У прынцыпе, дзіўна звязваць мастацкія поспехі са структурай, тым больш што сапраўднае мастацтва існуе ў любых абставінах, але выставачная дзейнасць наўпрост звязаная з цэлым стосам актыўнасцей, ідэалагічных і практычных. Нельга абысці ўвагай і фінансавы складнік. Па-ранейшаму ўся рыторыка захоўваецца, захоўваецца камерцыйная ідэалогія і, мажліва, захоўваецца асалода ад пачуцця свята па адкрыцці чарговага праекта. З іншага боку – набірае моц зусім іншая дынаміка: многія адчуваюць неабходнасць абнаўлення мыслення гледача, неабходнасць своечасовай арт-адукацыі і імклівай інтэрактыўнасці, якой мусіць спрыяць праект “Баланс. Улічвючы абставіны”.

Мы працягваем задаваць сабе пытанні. Мы ўжо маем адказы.

З любоўю, адміністрацыя галерэі "Ў"

09.10 – 04.11.2012
Ў gallery of contemporary art
Presents
Balance. Taking into Account the Circumstances
The project of gallery administration


On the 7th October 2009 the first project of the contemporary art gallery “Ў” was opened. A three-year anniversary is celebrated by a summarizing project Balance. Taking into Account the Circumstance which is a public attempt to count statistically the activity of the organization during the mentioned period and reflects the features of the institutional self-criticism.

The analytical work is rather expressive, any complex mechanism is connected with emotions and subjectivity that is why having confined ourselves only to figures, calculations, document archives, tables and graphics we abandoned the emotions. Without a grain of coquetry we present a naked skeleton of high art without bringing it down to earth but exposing every single bone and every single element. The typical rhetoric is still kept as well as a commercial ideology and maybe the enjoyment of the event of opening of a new project. On the other hand quite a different rhetoric is gaining strength: many feel the need to upgrade the thinking of a viewer, to have timely art-education and swift interactivity, which is the aim of the project Balance. Taking into Account the Circumstance.

Все события твоего города в мобильном приложении relax.by. Найди «relax.by» в своем маркете: App Store, Google Play!   
ОСТАВЬТЕ ОТЗЫВ
Отправить комментарий
Нажимая кнопку «Отправить», Вы принимаете Правила размещения комментариев. Отзыв не будет опубликован, если он содержит ненормативную лексику, оскорбления и угрозы

AFISHA.relax.by представляет вашему вниманию выставку «Праект адміністрацыі галерэі «Баланс. Улічваючы абставіны»» в Минске, место проведения выставки  - «Ў галерэя сучаснага мастацтва».

У нас вы можете ознакомиться с расписанием выставки, отзывами, кратким описанием, стоимостью входа, оставить свой отзыв и проголосовать за него.