-
Стоимость билетов:
5,00 руб.
Шэсьць гадзінаў шаленства! Дзьве сцэны! Болей за 20 удзельнікаў!
InZhest
Zartipo
Канстанцін Мужаў
Buben - Naruszewicz - Baisan
Аляксандар Зайцаў
Noizov Kov4eg
Aortha & Goron
Экзарцыстычны Gesamtkunstwerk
Kritchev vs. Ban
Юрась Барысевіч
Travm
Masque Noir feat. Ільля Сін
Vesicatoria
Зьміцер Вішнёў
Вольга Рагавая
Antara
ISM
Ex-тэатар Eye
Яўген Рагозін
Сонечны Сахалін
Buben & Nasta Labada
DJ Pogodina
Арт-суполка “Няхай”
Спэцыяльны госьць - былы дырэктар "Тахелеса" Марцін Райтэр
І, зразумела, выстава Алеся Родзіма "Global Warning / Global Warming".
Пяць гадоў таму спыніў існаванне культавы берлінскі кунстхаўз “Тахелес”. Вялізны пашарпаны будынак у цэнтры капіталістычнага мегаполіса прыцягваў натоўпы наведвальнікаў сваёй непараўнальнай ні з чым атмасферай творчай свабоды – на самай мяжы з вар’яцтвам. Яе стваралі мастакі з усяго свету – і, не ў апошнюю чаргу, з Беларусі. Галоўныя выыставачныя прасторы арт-цэнтра шмат гадоў займалі цыклапічныя палотны Алеся Родзіна, а ў межах фестывалю “Дах” у “Тахелесе” стараннямі яго галоўнага “рухавіка” Змітра Юркевіча выступілі некалькі соцень беларускіх аўтараў усіх магчымых відаў і жанраў.
Здавалася б, такое месца на свеце можа быць толькі адным, і паўтарыць яго ніяк не атрымаецца. Але… прывіды “Тахелеса” па-ранейшаму блукаюць па Еўропе, і цалкам магчыма, што яны асядуць на ПМЖ менавіта ў Мінску!
Выстава Алеся Родзіна “Global Warning/ Global Warming” пераехала з Берліна ў прастору “Верх”, што пазіцыянуе сябе менавіта як пляцоўка для творчага эксперыменту і нечаканага сінтэза розных мастацтваў. А 28 красавіка там адбудзецца фэст, які збярэ беспрэцэдэнтна моцную абойму мэтраў беларускага андэрграўнду. Гэта будзе мастацкі трып працягласьцю ў шэсць гадзін! Дзьве сцэны! Болей за 20 удзельнікаў! Новыя эксклюзіўныя праекты, гукавыя і візуальныя эксперыменты, нечаканыя творчыя калабарацыі, эпатажныя перформансы… Усё гэта і павінна ўтварыць тую вычварную куламесу, якая дапаможа публцы адкрыць шлях у новую рэальнасць.
“Акрапіць куты” і перадаць эстафету ў Мінск прыедзе адзін са стваральнікаў і былы дырэктар “Тахелеса” Марцін Райтэр. Легенда нямецкай контркультуры прывязе сваю выставу, прачытае лекцыю і з радасцю патусуецца з усімі ахвотнымі. А хэдлайнерам фэста стане легенда беларускага незалежнага мастацтва - пластычны тэатр Вячаслава Іназемцава InZhest з новым, як заўсёды, нечаканым перформансам.
5,00 руб.