-
Стоимость:
Чаевые
"АД ФРАНЦІШКАНСКАЙ ДА ДАМІНІКАНСКАЙ" – гэтая экскурсія пазнаёміць вас зь гістарычным цэнтрам нашага гораду. Мы даведаемся з вамі, што за будынкі знаходзяцца на Высокім Рынку, што ў іх калісьці было і якія падзеі тут адбываліся.
Мы пройдземся па вуліцы Францішканскай і завітаем у госьці да пана губэрнатара, пабачым будынак, у якім узьнік наш першы гарадзкі музэй, наведаем Ратушу, каля якой даведаемся, калі наш горад атрымаў Магдэбургскае права, што гэта значыла для месца і якую прынесла яму карысьць.
Таксама пабачым царкву Сьвятога Духу і кляштар базылянаў, ля якіх пагутарым пра гісторыю і лёс вуніяцтва на Беларусі.
Пройдземся старажытнымі вулачкамі Верхняга гораду, пагутарым пра яго архітэктуру і асаблівасьці будаўніцтва. Пабачым месца, дзе калісьці стаяў менскі гарадзкі тэатар, у якім адбылася прэм'ера знакамітай "Ідыліі" Станіслава Манюшкі і Вінцэнта Дуніна-Марцінкевіча, а напрыканцы апынемся на месцы, дзе раней стаяў адзін з самых прыгожых касьцёлаў Рэчы Паспалітай і даведаемся, што гэта быў за храм і чаму ён зьнік.
Вас чакае безьліч цікавых гісторый, сьмешных выпадкаў і падарожжа ў мінулыя стагодзьдзі.
Сустракаемся ля ГУМу
+375 29 564 70 09
http://vk.com/vandrouki_u_minulaje
https://www.facebook.com/groups/vandrouki.u.minulaje
Чаевые