Беларускі дзяржаўны музей народнай архітэктуры і побыту запрашае ўсіх рамантыкаў на праграму «Кахай па-беларуску!».
Вас чакае:
- жывая народная музыка ад вядомага фальклорнага гурта
- пэрфоманс ад свахі «Беларускае вяселле»
- расповед Дамавухі пра традыцыйную беларускую кухню
- варожбы ў Зяляркі на каханне і жаніцьбу
- майстар-клас па традыцыйных танцах
- вясёлыя жарты і прыемныя нечаканасці
- народныя гульні для дзяцей і дарослых
- майстар-клас «Зробім ляльку»
- іспыты «Спраўная пара»
- гушканне на арэлях
Таксама ў закаханых пар будзе магчымасць:
- зрабіць незвычайнае запамінальнае пастановачнае фота ў фотасалоне XIX стагоддзя
- прайсці скрозь «Браму шчасця», якая прыносіць поспех
- пакатацца на брычке альбо санях
- паўдзельнічаць у конкурсе на самы доўгі пацалунак
Увага!
Пераможцаў конкурса на самы доўгі пацалунак чакае прыз - святочная вячэра ў карчме на тэрыторыі музея, самых актыўных удзельнікаў свята чакае узнагарода - запрашэнні на свята «Масленіца»!
Чакаем вас на нашай праграме!