-
Стоимость:
Бясплатна
3 лютага (серада) у мінскай кнігарні «ЛогвінаЎ» (Незалежнасці 37а) адбудзецца прэзентацыя новай кнігі Марыі Роўда «Клінічны выпадак, альбо Дарэмныя ўцёкі». Запрашаем!
У вечарыне, акрамя аўтаркі, возьмуць удзел: Старшыня ГА «СБП», празаік, рэдактар кнігі Барыс Пятровіч, літаратары Ігар Бабкоў, Адам Глобус, Севярын Квяткоўскі, Андрэй Дынько ды іншыя. Музыка — Уладзімір Дрындрожык. Сустрэча пройдзе ў межах грамадскай культурніцкай кампаніі «Будзьма беларусамі!»
Крыху пра кнігу. Зборнік Марыі Роўда стаў 71-ым выпускам серыі «Кнігарня пісьменніка» Бібліятэкі Саюза беларускіх пісьменнікаў і складаецца з аповесцей і апавяданняў, напісаных на мяжы 20-га і 21-га стагоддзяў. Героі твораў — гэта моладзь дзевяностых, якая шукае сябе, сапраўднае каханне і свае карані на разломе часу, калі здаецца, што паўстае цалкам новая краіна. З самаіроніяй, сумам і любоўю аўтарка распавядае пра сваё пакаленне і пра будучыню, якую маладзёны чакалі, але не атрымалі, і якую асэнсоўвалі ўжо ў новую эпоху.
Крыху пра аўтарку. Марыя Роўда — лінгвіст, скончыла факультэт ангельскай мовы МДЛУ, працуе дацэнтам на кафедры гісторыі і граматыкі ангельскай мовы таго ж універсітэта. Перакладала на беларускую мову англамоўную прозу, драматургію і дзіцячыя мультфільмы. Публікуецца з 1993 года.
Бясплатна