14 лістапада (субота). Кнігарня логвінаЎ (Незалежнасці 37а). Прэзентацыя ўспамінаў мастака Яўгена Ціхановіча "Партрэт стагоддзя". З удзелам укладальніка і аўтара каментароў мастацтвазнаўцы Сяргея Харэўскага, выдаўца Аляксандра Фядуты, мастака Уладзіміра Крукоўскага і пісьменніка Адама Глобуса. Пачатак а 19.
Крыху пра кнігу. У "Беларускай мемуарнай бібліятэцы" выдавецтва “Лімарыюс” выйшаў чарговы том - кніга ўспамінаў мастака Яўгена Ціхановіча "Партрэт стагоддзя". З яе старонак чытач даведаецца пра тое, як адбываўся вобшук у Якуба Коласа, як жыла сям'я Ўладзіслава Галубка, і колькі каштавала праца мастака ў акупаваным Мінску.