3d 6 arrow-left arrow-right arrow attach attention balloon-active balloon-hover balloon booking car chain close-thin close contacts-fail contacts-success credit-cart edit ellipsis email exit eye-open facebook full-screen google_oauth instagram list-alt login mailru mobile-phone more odnoklassniki phone point settings skype twitter viber vkontakte yandex_oauth
a a a a a a a
События

І закрасуе скрозь шыпшына…

Мероприятие в этом городе уже прошло

Жанр Презентация

Дзяржаўны музей гісторыі беларускай літаратуры сумесна з Цэнтральнай навуковай бібліятэкай імя Якуба Коласа НАН Беларусі 23 верасня 2015 года а 15-й гадзіне ладзяць сумеснае мерапрыемства “І закрасуе скрозь шыпшына…”, прымеркаванае да 110-годдзя з дня нараджэння Пятра Глебкі. 

Пад час мерапрыемства супрацоўнікі бібліятэкі прэзентуюць каталог “Бібліятэка акадэміка П.Ф. Глебкі (1905–1969)” і прадставяць выставу “І краскі, і словы завіў у вянок… (па матэрыялах калекцыі П.Ф. Глебкі)” з уласных фондаў. 

Назву імпрэзе, прысвечанай 110-годдзю з дня нараджэння пісьменніка Пятра Фёдаравіча Глебкі, даў першы паэтычны зборнік пісьменніка “Шыпшына”(1927). Гэта красамоўны ўзор лірычнай паэзіі, дзе вобраз шыпшыны набыў сэнс сімвала Беларусі, мастацкай эмблемы пісьменніка.
Пятро Фёдаравіч Глебка нарадзіўся 6 ліпеня 1905 года ў вёсцы Вялікая Уса Уздзенскага раёна Мінскай вобласці ў сям’і селяніна. Пачаў літаратурную дзейнасць яшчэ ў 20-я гады. У сваёй творчасці ён шырока адлюстраваў асноўныя этапы жыцця савецкага грамадства: рэвалюцыю, веліч стваральнай працы народа, яго гераічнае змаганне супраць фашызму, барацьбу за аднаўленне разбуранай вайной гаспадаркі. 

Творчы шлях Пятра Фёдаравіча ахоплівае больш за чатыры дзесяцігоддзі. У друку дэбютаваў вершамі ў 1925 годзе ў газетах “Беларуская вёска”, “Савецкая Беларусь”, часопісах “Работніца і сялянка”, “Беларускі піянер”. Аўтар кніжак паэзіі “Шыпшына” (1927), “Урачыстыя дні” (1930), “Арка над акіянам” (паэма, 1932), “Арлянка” (паэма, 1932), “Хада падзей” (вершы, паэмы, 1932), “Чатыры вятры” (1935), “Мужнасць” (вершы, паэмы, 1938), “Пад небам бацькаўшчыны” (вершы, паэмы, 1947), “Нашай славы зара” (вершы, паэмы, 1947), “Размова аб шчасці” (1948), “У тыя дні” (паэма, 1957), “Вершы” (1975), “На спатканні дарог”(1990). Для дзяцей выдадзены зборнікі паэзіі “Пад сцягам перамог” (1952), “Прывітанне Радзіме” (1961), “Вобразы роднай краіны” (1964), “Наш сцяг” (1972), “Наш лес”(1973), “Шчаслівы май”(1985). Напісаў драматычную паэму “Над Бярозай-ракой” (1940), лібрэта оперы “Андрэй Касценя” (пазнейшая назва “Лясное водгулле”), вершаваную драму “Святло з Усходу” (1957, пастаўлена ў 1957).У 1952 г. выйшлі выбраныя творы Пятра Глебкі, у 1958 г.– Збор твораў у 2-х тамах, у 1969-1971 гг. – Збор твораў у 3-х тамах, у 1984-1986 гг. – Збор твораў у 4-х тамах. Займаючы адказныя пасады ў Акадэміі навук, П.Ф. Глебка актыўна ўздзейнічаў на навуковы працэс. Ён аўтар многіх навуковых прац у галіне беларускай лексікаграфіі, мастацтвазнаўства і фалькларыстыкі. Ініцыятар выдання ў АН БССР шматтомнага збору беларускага фальклору.

Чыстая, шчырая любоў да Радзімы натхняла Пятра Глебку на творчую працу. Яго паэзія простая, сціплая і мужная, яна выклікае сапраўднае хваляванне, бо ідзе з сэрца, таму мае магутную сілу і так доўга застаецца яркай старонкай у беларускай літаратуры.

У мерапрыемстве возьмуць удзел даследчыкі і аматары творчасці Пятра Глебкі, яго сябры і родныя.

Все события твоего города в мобильном приложении relax.by. Найди «relax.by» в своем маркете: App Store, Google Play!   
ОСТАВЬТЕ ОТЗЫВ
Отправить комментарий
Нажимая кнопку «Отправить», Вы принимаете Правила размещения комментариев. Отзыв не будет опубликован, если он содержит ненормативную лексику, оскорбления и угрозы
afisha.relax.by представляет  вашему вниманию І закрасуе скрозь шыпшына… в Минске. У нас вы можете ознакомиться с отзывами, кратким описанием, стоимостью входа, оставить свой отзыв и проголосовать за него. Также вы можете посмотреть фото и получить информацию о «І закрасуе скрозь шыпшына…».