-
Стоимость:
Чаевые
"МАЛЯЎНІЧЫЯ АКВАРЭЛЬКІ З ЛОШЫЦЫ" - гэтая экскурсія прывядзе нас у адзін з самых прыгожых і старажытных паркаў на тэрыторыі нашага гораду.
Калісьці менавіта пасярэдзіне Лошыцкага парку спыніўся апошні ледавік, чым і тлумачыцца надзвычай багатая разнастайнасьць флоры і фаўны, якую можна сустрэць у гэтым месцы. Ліпавая алея XVIII стагодзьдзя прывядзе нас да руін капліцы, камянічкі вартаўніка, шляхетнай сядзібы…
Мы завітаем у госьці да Яўстаха і Ядзьвігі Любанскіх, пройдземся па тэрыторыі іх уладаньняў, наведаем найпрыгожы парк і даведаемся, якія падзеі адбываліся тут на працягу гісторыі гэтага месца.
Мы навучымся зь першага погляду адрозьніваць ангельскі парк ад французкага, пабачым з вамі вавёрак і качак, даведаемся чаму нельга зьнішчаць кратоў, пазнаёмімся з такімі рэдкімі для Беларусі расьлінамі, як магнолія кобус, сэрцападобны арэх, абрыкос манчжурскі, пабачым старажытныя дубы і незвычайныя бярозы.
Гэтая экскурсія – найцудоўная магчымасьць зьбегчы на некалькі гадзін ад гарадзкога тлуму ХХІ стагодзьдзя і адчуць сябе шляхетнымі гасьцямі старой сядзібы і рамантычнага парку ХІХ стагодзьдзя.
Ну і канешне ж будзе прывід - куды без яго?:)
Сустракаемся ля паркавай брамы. Прыпынак транспарту Чэрвеньскі кірмаш. Насупраць будынку па вул. Маякоўскага,188
+375 29 564 70 09
http://vk.com/vandrouki_u_minulaje
https://www.facebook.com/groups/vandrouki.u.minulaje
Чаевые