3d 6 arrow-left arrow-right arrow attach attention balloon-active balloon-hover balloon booking car chain close-thin close contacts-fail contacts-success credit-cart edit ellipsis email exit eye-open facebook full-screen google_oauth instagram list-alt login mailru mobile-phone more odnoklassniki phone point settings skype twitter viber vkontakte yandex_oauth
a a a a a a a
События

Кірмаш праектаў

Мероприятие в этом городе уже прошло

Жанр Творческий проект

Новы «Кірмаш праектаў» у Віцебску: «Свята на нашай вуліцы!»

У мінулы годзе падчас вялікіх гарадскіх святаў Віцебск паказаў і свой творчы запал, і прагу да новых кантактаў. Ініцыяваны адміністрацыяй горада збор грамадскіх ідэй для праграмы святкаванняў скончыўся падтрымкай 9 з 10 вялікіх праектаў і некалькіх крэатыўных задумак, «злоўленых» у «сусветным павуцінні». Сёлета прадстаўляеца яшчэ адна магчымасць цікаўным і неабыякавым зрабіць рэчаіснасцю сваю задуму.

Тут як у спорце: здаровы фестывальны «дух», якім так вядомы Віцебск, трэба трэніраваць новымі практыкаваннямі ў крэатыве і… рашучасцю яго прадэманстраваць. Тым больш нагоды – цудоўныя: калі як не на Дні Горада варта здзейсніць мару падарыць найлепшыя эмоцыі сабе і людзям, побач з якімі жывеш? Аддзел ідэалогіі, культуры і па справах моладзі гарадскога выканаўчага камітэта Віцебска заклікае спрычыніцца да адной з буйнейшых культурніцкіх гарадскіх падзей праз падачу заявак на фармаванне праграмы свята. Свае ідэі наконт таго, як можна зрабіць больш адметным, цікавым і запамінальным Дзень Горада, агульнымі высілкамі палепшыць культурную прастору горада, можна прадставіць і абмеркаваць 28 мая на «Кірмашы праектаў» – пляцоўцы, дзе гуртуюцца культурніцкія дзеячы і актывісты. Найлепшыя прапановы ўвойдуць у праграмы святаў на адміністрацыйным узроўні!

«Кірмаш праектаў» – гэта адкрытая публічная прэзентацыя культурніцкіх ідэй, якую праводзіць грамадская культурніцкая кампанія «Будзьма беларусамі!» у многіх гарадах Беларусі.

Тут можна ўдасканаліць сваю задуму, атрымаць парады ад публікі і экспертаў, знайсці аднадумцаў ды партнёраў. Фармат мерапрыемства – так званая “маланкавая размова”, што фактычна выглядае як аповед пра сваю задуму з прэзентацыяй, зробленай у PowerPoint, Keynote, Prezi.com ці іншых сэрвісах, цягам 5 хвілін.

Каб стаць удзельнікам «Кірмашу праектаў», неабходна да 21 мая ўключна даслаць прэзентацыю сваёй задумы на электронную скрыню kirmash.vitsebsk@gmail.com па рэкамендаваным плане:
- назва прэзентацыі;
- кароткае апісанне зместу ідэі;
- мэты і задачы (чаму і каму гэты праект неабходны?);
- фармат праекта, яго ўнікальнасць і (ці) неабходнасць;
- якія рэсурсы вы ўжо маеце і якія – шукаеце (каманда, дзеянні, партнёры, бюджэт).

Калі вы з тых, каму заўсёды хочацца новых і цікавых рашэнняў для свайго горада, яго культуры, і вы гатовыя падтрымаць яго развіццё і насамрэч атрымаць задавальненне ад агульнагарадскіх святаў, то гэта ваш шанец!

Все события твоего города в мобильном приложении relax.by. Найди «relax.by» в своем маркете: App Store, Google Play!   
ОСТАВЬТЕ ОТЗЫВ
Отправить комментарий
Нажимая кнопку «Отправить», Вы принимаете Правила размещения комментариев. Отзыв не будет опубликован, если он содержит ненормативную лексику, оскорбления и угрозы
afisha.relax.by представляет  вашему вниманию Кірмаш праектаў в Витебске. У нас вы можете ознакомиться с отзывами, кратким описанием, стоимостью входа, оставить свой отзыв и проголосовать за него. Также вы можете посмотреть фото и получить информацию о «Кірмаш праектаў».