3d 6 arrow-left arrow-right arrow attach attention balloon-active balloon-hover balloon booking camera car chain close-thin close contacts-fail contacts-success credit-cart edit ellipsis email exit eye-open facebook full-screen google_oauth instagram list-alt login mailru mobile-phone more odnoklassniki phone point settings skype twitter viber vkontakte yandex_oauth
a a a a a a a
События

Ноч у музеi Якуба Коласа «Святло ў акнe»

Мероприятие в этом городе уже прошло

Время работы 17:00 — 00:00
Жанр Тематическая выставка
Стоимость билетов

Уваходны білет — бясплатна
На выступленне гурта Re1ikt — 5,00 руб.
На выступленне гурта NGe — 5,00 руб.

Жанр Живая музыка
Дата 20 мая 2017
Жанр Акция, Досуговая программа, Экскурсия

20 мая 2017 года Дзяржаўны літаратурна-мемарыяльны музей Якуба Коласа далучаецца да міжнароднай акцыі “Музейная ноч” з захапляючай праграмай “Святло ў акне”

“Музейная ноч” – гэта штогадовая акцыя, якая прысвечана Міжнароднаму дню музеяў. Акцыя праходзіць адначасова ў 42 краінах Еўропы. Амаль 2 000 музеяў не спяць адзін раз у год, адкрываючы свае дзверы для ўсіх, каму цікава пабачыць музей у незвычайны час сутак – увечары і ўначы.

Міжнародная акцыя праводзіцца ў музеі Якуба Коласа пад сімвалічнай назвай “Святло ў акне”. Пры жыцці Якуба Коласа дзверы яго дома заўсёды былі гасцінна расчынены для ўсіх добрых людзей. А калі на зямлю апускалася ноч і на мінскіх вуліцах панаваў змрок, у акне кабінета загаралася святло. Гараджане ведалі, што наступаў самы адказны час для Творцы і больш яго не турбавалі.

Святло ў акне паэта магнетычна прыцягвае і нас, далёкіх нашчадкаў знакамітага класіка. На жаль, загараецца яно толькі раз у год – у загадкавую музейную ноч.

У гэтым годзе наведвальнікам Дома Коласа будзе прапанавана спецыяльна распрацаваная насычаная тэатралізаваная праграма, у якой знайдуць адлюстраванне мерапрыемствы, прысвечаныя 135-годдзю з дня нараджэння Якуба Коласа.
Тэатралізаваная экскурсійная праграма “Дзень у Коласа” пазнаёміць з традыцыйным укладам жыцця сям'і Міцкевічаў і дазволіць перанесціся на 70 гадоў таму, каб убачыць самога гаспадара дома, яго дамачадцаў і гасцей. Таксама ўдзельнікаў акцыі “Святло ў акне” чакаюць выступленні музычных гуртоў, магчымасць перагледзець архіўныя відэаматэрыялы 1950-ых гг., майстар-класы і фуд-зона з традыцыйнымі беларускімі прысмакамі.

Уваход у музей і на сядзібу вольны!.
Квіткі на выступленні гуртоў можна загадзя набыць у касе музея па адрасе: г. Мінск, вул. Акадэмічная, 5.
Даведкі па тэлефоне +375 (17) 284-17-02.


Чакаем Вас у Доме Коласа!

Праграма літаратурна-музычнага свята да Міжнароднага дня музеяў "Святло у акне"


20 мая 2017

Час правядзення: 17.00 – 00.00
Месца правядзення: музей, сядзіба (вул. Акадэмічная, 5)
Кошт уваходнага білета – уваход вольны!
Кошт білета на выступленне гурта Re1ikt – 5,00 рублёў
Кошт білета на выступленне гурта NGe – 5,00 рублёў

Вялікая гасцёўня музея

17:00 – 17:15
Урачыстае адкрыццё свята да Міжнароднага дня музеяў

17:15 – 18:00
Канцэрт гурта Re1ikt

І паверх музея

18:00 – 20:30
Інтэрактыўныя касцюміраваныя экскурсіі “Дзень у Коласа”

Госці музея змогуць убачыць незвычайнае дзейства. Героі «ажыўшай» экспазіцыі ўзновяць каларыт часу, данясуць да наведвальніка дыханне эпохі, прадставяць магчымасць праявіць творчыя здольнасці і раскрыць свой патэнцыял. Відовочнасць і эмацыянальнасць, інтэрактыўнасць і займальны аповед дазволюць ўдзельнікам экскурсіі незабыўна правесці час

Мерапрыемствы на музейнай сядзібе:

18:00 – 20:00
«Музейная майстэрня»

Музейныя майстар-класы па вырабе паштовак у тэхніцы «квілінг», акварэльнаму малюнку, складанні букетаў, а таксама продаж вырабаў hand-made

Фотазона

Толькі ў “Музейную ноч” у наведвальнікаў будзе магчымасць сфатаграфавацца ў мемарыльных інтэр’ерах дома Якуба Коласа

Беларускамоўныя настолкі

Лялечныя прадстаўленні

Спектаклі паводле беларускіх народных казак у апрацоўцы Якуба Коласа

Фуд-зона з беларускімі пачастункамі

ІІ паверх музея

Выставачная зала

18:00 – 19:00
Магічны рытуал запісу свайго запаветнага жадання за сталом Якуба Коласа пяром паэта

Сутарэнні Дома Коласа

18:00 – 20:00
Прагляд кадраў кінахронікі 1940 - 1950-ых гг.

Унікальныя архіўныя відэматэрыялы, на якіх можна пабачыць жывого класіка, яго сустрэчу з легендарным дзедам Талашом і знакамітымі рускімі пісьменнікамі, пачуць гісторыю напісання трылогіі “На ростанях” і інш.

Вялікая гасцёўня

22:00 – 23:00
«Кватэрнік у дзядзькі Якуба»

Выступленне гурта «NGe»

Каардынатар праекту – Казакевіч Марыя Міраславаўна (загадчык аддзела)
+375 (17) 284-17-02
+375 (29) 704-86-35
kazakevichmariya@ya.ru
muzeykolas@yandex.ru

Все события твоего города в мобильном приложении relax.by. Найди «relax.by» в своем маркете: App Store, Google Play!   
ОСТАВЬТЕ ОТЗЫВ
Отправить комментарий
Нажимая кнопку «Отправить», Вы принимаете Правила размещения комментариев. Отзыв не будет опубликован, если он содержит ненормативную лексику, оскорбления и угрозы