СпецРУЛЕТ — прагляд мультымедыйных прац агенцыі Panos Pictures
22 кастрычніка а 19 гадзiне ў межах «
У праграму спецыяльнага паказу ўвайшлі 9 мультымедыйных прац ад 7 найлепшых аўтараў агенцыі Panos Pictures, лаўрэатаў прэстыжных фатаграфічных конкурсаў World Press Photo, Picture of the Year, Sony World Photography Awards і ўладальнікаў грантаў Tim Hetherington Grant 2012, Eugene Smith Grant, Pulitzer Center on Crisis Reporting Grant.
Перадпрэм’ерныя паказы адбудуцца 19 кастрычніка ў межах VI міжнароднага фестывалю фатаграфіі Photovisa ў Краснадары, 22 кастрычніка ў межах «Месяца фатаграфіі ў Мінску», 31 кастрычніка ў межах фестывалю «Палярны» ў Нарыльску, а 1 і 2 кастрычніка ў межах выставы «MediaNovation. Вопыт № 1/2014». Прэм’ерныя паказы плануюцца як сеткавыя ў 25 гарадах Расіі і краінах СНД.
Мультымедыя – новы трэнд у працы дакументалістаў, від журналістыкі, дзе спалучаюцца фотаздымкі, відэа, гук, тэкст і іншыя медыя. У параўнанні з традыцыйнымі дакументальнымі формамі, мультымедыя дазваляе лепш раскрыць тэму і данесці яе да гледача.
У мэты праекту «РУЛЕТ» уваходзіць пашырэнне геаграфіі мультымедыя, а менавіта далучэнне вялікай колькасці гарадскіх пляцовак для дэманстрацыі мультымедыя прац, а таксама пашырэнне глядацкай аўдыторыі. Апрача таго, мы спрабуем стварыць дыскусійную пляцоўку ў Расіі і краінах СНД, прысвечаную новым медыя, якая б дзейнічала рэгулярна. Варта адзначыць, што «РУЛЕТ» з’яўляецца некамерцыйным праектам і ўсе дэманстрацыі прынцыпова бясплатныя для гледачоў.
Panos Pictures – фотаагенцыя, якая спецыялізуецца на асвятленні сацыяльных пытанняў сусветнай значнасці і робіць стаўку на творчае бачанне і самааддачу сваіх фатографаў і супрацоўнікаў.
«Мы лічым, што фатаграфія – гэта нешта большае за выявы на старонцы, і таму ўдзельнічаем ва ўсіх відах візуальнай камунікацыі і праводзім выставы, ствараем мультымедыя і відэа, а таксама працуем над доўгатэрміновымі дакументальнымі праектамі. Нам мала быць проста сведкамі нейкіх падзеяў – таму фатографы Panos шукаюць гісторыі, якія можная інтэрпрэтаваць, а не толькі зафіксаваць іх. «Мы не баімся заняць пазіцыю ў адносінах да бягучых падзеяў або сучасных праблем і прапануем такі пункт гледжання, які кідае выклік агульнапрынятым меркаванням». Фатографы Panos дапамагаюць зразумець і ўсвядоміць далікатнасць і этычныя аспекты пытанняў і сфер, якія яны дакументуюць.