24 студзеня 2014 года ў Нацыянальным гістарычным музеі Рэспублікі Беларусь у рамках выставы “Белая Русь і яе суседзі” пройдзе круглы стол з удзелам даследчыкаў Беларусі і Расіі. Чакаюцца выступленні навуковых супрацоўнікаў Расійскага этнаграфічнага музея (г. Санкт-Пецярбург) А.В.Лысенкі, В.М.Фішман, Д.А.Баранава, А.А.Гаджыевай, а таксама беларускіх даследчыкаў М.М.Віннікавай, В.А.Лабачэўскай. Будуць закронуты пытанні вывучэння, захавання і прэзентацыі этнаграфічных калекцый, якія захоўваюцца ў музеях Беларусі і Расіі.
Выстава “Белая Русь і яе суседзі” арганізавана Міністэрствам культуры Рэспублікі Беларусь, Міністэрствам культуры Расійскай Федэрацыі, Расійскім этнаграфічным музеем, Нацыянальным гістарычным музеем Рэспублікі Беларусь пры фінансавай падтрымцы кампаніі Japan Tobacco International у Рэспубліцы Беларусь і СП ЗАТ “Мілавіца”.
Мовай калекцый Расійскага этнаграфічнага музея яна распавядае пра агульныя этнаграфічныя рысы культуры беларусаў, літоўцаў, палякаў, латышоў, рускіх, украінцаў і іншых народаў. На працягу стагоддзяў яны пражывалі ў складзе адзінай дзяржавы – Вялікага Княства Літоўскага/Рэчы Паспалітай і стварылі асобную рэгіянальную супольнасць на аснове адзінства гістарычных лёсаў і працяглага культурнага, моўнага, канфесійнага і эканамічнага ўзаемадзеяння. На выставе прадстаўлена больш за 700 аўтэнтычных помнікаў традыцыйнай культуры. Праз прадметны шэраг (касцюмныя комплексы, драўляны і керамічны посуд, прадметы рамяства, творы народнага мастацтва) паказана шматаблічнасць культурных традыцый поліэтнічнага насельніцтва гэатага рэгіёна.
Удзельнікі круглага стала змогуць пазнаёміцца з выставай керамічнай фальклорнай і народнай лялькі клуба “Папараць-кветка” пры Беларускім Нацыянальным тэхнічным універсітэце і жывапісных твораў мастака М.Засінца са збору Нацыянальнага гістарычнага музея Рэспублікі Беларусь.
Запрашаем навукоўцаў-этнографаў, гісторыкаў, культуролагаў, музейных работнікаў, усіх зацікаўленых асоб!
Все события твоего города в мобильном приложении relax.by . Найди «relax.by» в своем маркете: App Store, Google Play!