3d 6 arrow-left arrow-right arrow attach attention balloon-active balloon-hover balloon booking car chain close-thin close contacts-fail contacts-success credit-cart edit ellipsis email exit eye-open facebook full-screen google_oauth instagram list-alt login mailru mobile-phone more odnoklassniki phone point settings skype twitter viber vkontakte yandex_oauth
a a a a a a a
События

Юбілейны вечар, прысвечаны 90-годдзю з дня выхаду ў свет першага нумара часопіса «Полымя»

Мероприятие в этом городе уже прошло

Жанр Творческая встреча

20 снежня а 16 гадзіне ў галерэі «Лабірынт» Нацыянальнай бібліятэкі Беларусі адбудзецца юбілейны вечар, прысвечаны 90-годдзю з дня выхаду ў свет першага нумара часопіса «Полымя». Мерапрыемства пройдзе ў межах года кнігі.

Часопіс «Полымя» з’яўляецца старэйшым літаратурна-мастацкім і грамадска-палітычным выданнем нашай краіны, у стварэнні якога непасрэдны ўдзел прымалі нашы народныя песняры Янка Купала і Якуб Колас. Менавіта ў «Полымі» друкавалі свае знакамітыя творы Платон Галавач, Цішка Гартны, Кузьма Чорны, народныя пісьменнікі і народныя паэты Беларусі Іван Мележ, Янка Брыль, Аркадзь Куляшоў, Максім Танк, Кандрат Крапіва, Пятрусь Броўка, Васіль Быкаў, Іван Шамякін, Іван Чыгрынаў, Іван Навуменка, а таксама Уладзімір Караткевіч, Вячаслаў Адамчык, Барыс Сачанка. Літаратурныя традыцыі, закладзеныя папярэднімі пакаленнямі беларускіх майстроў слова, працягваюцца ў творах сённяшніх аўтараў гэтага аўтарытэтнага выдання.

Адна з галоўных задач часопіса «Полымя», заснавальнікам якога з’яўляецца Саюз пісьменнікаў Беларусі, – на сваіх старонках прапагандаваць усё лепшае, што ствараецца сучаснымі беларускімі пісьменнікамі і садзейнічае развіццю і духоўнай моцы нашай дзяржавы, з дапамогай мастацкага слова быць правадніком дзяржаўнай палітыкі ў галіне культуры, накіраванай на далейшае духоўнае развіццё беларускай нацыі.

У юбілейным вечары прымуць удзел вядомыя дзеячы літаратуры, мастацтва і культуры, якія з’яўляюцца членамі рэдакцыйнай калегіі часопіса «Полымя» – акадэмікі Нацыянальнай акадэміі навук Беларусі У. В. Гніламёдаў, У. Р. Гусакоў, старшыня Саюза пісьменнікаў Беларусі М.І. Чаргінец, дырэктар-галоўны рэдактар «Выдавецкі дом «Звязда»» А.М. Карлюкевіч, старэйшы беларускі пісьменнік, ветэран Вялікай Айчыннай вайны А. А. Савіцкі, галоўны рэдактар часопіса М. М. Мятліцкі, а таксама дырэктар Нацыянальнай бібліятэкі Беларусі Р. С. Матульскі, старшыня Беларускага дзіцячага фонду, галоўны рэдактар часопіса «Вясёлка» У. С. Ліпскі, многія сталыя і маладыя аўтары часопіса – даследчыкі літаратуры, краязнаўцы, паэты, празаікі, драматургі, публіцысты. Будуць агучаны віншаванні ад дзяржаўных устаноў краіны, творчых арганізацый, зацікаўленых чытачоў.

З нагоды 90-гадовага юбілею часопіса Нацыянальная бібліятэка Беларусі падрыхтавала кніжна-ілюстрацыйную выстаўку ««Полымя» – этапы творчага станаўлення», якая раскрывае змест часопіса з самага першага нумара 1922 года да апошняга.

Тэл. для даведак: 293-29-80, 293-27-67

Все события твоего города в мобильном приложении relax.by. Найди «relax.by» в своем маркете: App Store, Google Play!   
ОСТАВЬТЕ ОТЗЫВ
Отправить комментарий
Нажимая кнопку «Отправить», Вы принимаете Правила размещения комментариев. Отзыв не будет опубликован, если он содержит ненормативную лексику, оскорбления и угрозы
afisha.relax.by представляет  вашему вниманию Юбілейны вечар, прысвечаны 90-годдзю з дня выхаду ў свет першага нумара часопіса «Полымя» в Минске. У нас вы можете ознакомиться с отзывами, кратким описанием, стоимостью входа, оставить свой отзыв и проголосовать за него. Также вы можете посмотреть фото и получить информацию о «Юбілейны вечар, прысвечаны 90-годдзю з дня выхаду ў свет першага нумара часопіса «Полымя»».