-
Стоимость:
Бесплатно
10 кастрычніка 2014 года а 19.00 у Цэнтры Сучасных Мастацтваў у межах цыклу лекцый “Авангард, мадэрнісцкая неакласіка, уяўленне”, арганізаваных сумесна з Лятучым універсітэтам адбудзецца лекцыя Крысціны Лоддэр (Велікабрытанія): “Казімір Малевіч і архітэктура Супрэматызму”.
Лекцыя прысвечана руху Малевіча ад жывапісу да архітэктуры з дэталёвым абмеркаваннем асобных фактараў, якія абумовілі намер Малевіча развіваць Супрэматычную архітэктуру, а менавіта – новая роля авіяцыі, ўтапічныя імпульсы Рэвалюцыі, філасофія Мікалая Фёдарава, узаемадзеянне касмічных падарожжаў і сацыялізму ў навуковай фантастыцы Аляксандра Багданава, ідэі Канстанціна Цыялкоўскага і інш.
Крысціна Лоддэр: брытанскі мастацтвазнаўца, гісторык мастацтва, даследчыца рускага авангарду і канструктывізму. Віцэ-прэзідэнт Таварыства Малевіча. Ганаровы прафесар Эдынбургскага ўніверсітэта і Дзяржаўнага ўніверсітэта Кента. Аўтар шматлікіх артыкулаў па тэматыцы рускага авангарду і канструктывізму ў Расіі і Заходняй Еўропе.
Бесплатно