Канцэрт-выстава, канцэрт-эксперымент!
Музыка і космас, жывапіс і касмічная неабсяжнасць. Касмічныя рытмы, глыбіня, прастора, касмічны рытуал і танец на палатне мастака і ў партытуры кампазітара. Як гэта спалучаецца? І што змяшчае несупадзенне? Што прынясе разбуджаны касмічны вецер на сцэну Малой залы імя Р. Шырмы Белдзяржфілармоніі 15 студзеня 2011года?
«Узнёслае і зямное» – новая канцэртная праграма ансамбля салістаў «Класік-Авангард» пад кіраўніцтвам Уладзіміра Байдава на сцэне Малой залы імя Р. Шырмы Белдзяржфілармоніі 15 студзеня новага году.
У канцэрце бяруць удзел трыо «Кансананс» у складзе лаўрэатаў міжнародных конкурсаў Таццяны Шумаковай, Наталлі Аруцюнавай і Валерыя Баравікова. Прагучаць творы кампазітараў А. Друкта, Ул. Войціка, Ул. Кур’яна, В. Падгайскай і Л. Сімаковіч, І. Фралова, А. Янчанкі. Мастацкі кантэкст будуць ствараць жывапісныя работы мастака-касміста Алега Высоцкага (г. Талін).