Зладзіць сабе свята – значыць здабыць новыя ўражанні і эмоцыі, якія будуць доўжыцца не адзін дзень. Зладзіць такое свята здольна музыка. Асабліва – музыка Антоніа Вівальдзі, Джорджа Гершвіна, Астора П’яцолы.
Розныя эпохі, стылі, розныя тэмпераменты будуць існаваць побач у адным канцэрце 13 студзеня 2010 года. Гэта “гарачае трыо” абяцае гарачую атмасферу зімоваму студзеньскаму вечару. Ансамбль салістаў “Класік-Авангард” пад кіраўніцтвам Уладзіміра Байдава разам з вядомым беларускім фартэпіянным дуэтам – Наталляй Котавай і Валерыем Баравіковым – возьмуць удзел у святочным канцэрце “Classic-jazz-Стары-Новы-год”. Яна запрашаюць Вас правесці Стары Новы год на Малой сцэне імя Р. Шырмы Белдзяржфілармоніі 13 студзеня 2010 года а 19 гадзіне.