Канцэрт-прарыў пад назвай “Дзівосныя песні пра жыццё з самага сэрца NY” ад амерыканскага выканаўцы Дэна Кастэла (Dan Costello) ладзіцца ў г. Маладзечна Мінскай вобласці 26 кастрычніка.
Дэн Кастэла – незалежны кампазітар і выканаўца ўласных песняў з Брукліна (Нью-Ёрк). Ён працуе ў сферы гуказапісу, таксама валодае такімі інструментамі, як піяніна і гітара, і часам выступае ў якасці прадусара.
Артыст выступаў з вялікімі турнэ асабістай творчасці па ўсёй Еўропе, Канадзе і ЗША. Дэн граў з такімі выканаўцамі, як A Fermata, Eric Wolfson і the War Cabinet, Brook Pridemore і The Valley Cubs.
Запісаў альбомы пад назвамі “Halloween Baby”, “Come Home”, “Costello” і “Recession Songs”, якія можна спампаваць ТУТ.
Таксама прадусаваў альбомы такіх выканаўцаў і гуртоў, як “Soft Black”, Annie Crane, Ben Godwin, “Peaks and Valleys” і іншыя.
Канцэрт адбудзецца ў будынку Мінскага абласнога драматычнага тэатра, які знаходзіцца па адрасе: Чкалава, 7 і распачнецца ў 19.00.
Спецыяльна запрошаны госць з роднай Беларусі – Зміцер Бартосік, які праспявае песні Уладзіміра Высоцкага, Булата Акуджавы ды іншых у перакладзе Рыгора Барадуліна.
Тэлефон для даведак: (017 73) 617 32, (017 73) 524 17
Кошт квіткоў: 8000, 10 000, 15 000 і 20 000 беларускіх рублёў.
Канцэрт пройдзе ў межах грамадскай культурніцкай кампаніі “Будзьма беларусамі!”
Прыходзьце, слухайце, глядзіце і атрымлівайце асалоду ад пазітыўнай энэргетыкі Дэна Кастэла.