14 сакавіка ў 16.00 у галерэі “Лабірынт” Нацыянальнай бібліятэкі Беларусі адбудзецца сустрэча з Чартовіч Валянцінай Мікалаеўнай – старшым навуковым супрацоўнікам Цэнтральнага батанічнага сада НАН Беларусі, на якой можна будзе даведацца пра ўсе таямніцы свету пакаёвых кветак, раскрыць сакрэты абыходжання з кожным канкрэтным «зялёным выхаванцам». Развядзенне пакаёвых кветак – адно з самых папулярных захапленняў у нашыя дні. Іх разнастайнасць дазваляе кожнаму чалавеку па-свойму аформіць свой дом. Кожная расліна, як і любая жывая істота, патрабуе ўвагі і клопату, часам надзвычайнага догляду. Сустрэча адбудзецца ў межах праекта “Кветкавы рай V”.