У межах Міжнароднай культурнай праграмы польскага старшынства ў Еўрасаюзе 2011.
2 кастрычніка 2011 года ў 19:30 (пасля святой імшы) ў Архікафедральным касцёле імя Прасвятой дзевы Марыі ў Мінску адбудзецца канцэрт Познаньскага хору хлопчыкаў пад дырэкцыяй Яцэка Сыкульскага “У парку святла”.
УВАХОД НА КАНЦЭРТ ВОЛЬНЫ.
Познаньскі хлапецкі хор – вядомы ў свеце калектыў, новае праяўленне ў польскай і еўрапейскай культуры. З пашанай да традыцый, хор надае новую якасць сусветнай харалiстыцы і праз увядзенне сучасных, аўтарскiх тэхнiк працы з галасамi дамагаецца арыгiнальнага i натуральнага гучання.
Хор супрацоўнiчае з выбітнымі артыстамi (кампазiтарамі, дырыжорамі, аркестрамі, салістамі), эксперыментуе на памежжы мастацтваў i стыляў. У яго рэпертуар уваходзяць шэдэўры даўняй i сучаснай палiфонii, самыя прыгожыя творы XX i XXI стагоддзяў, музыка да фільмаў (у тым ліку, лаўрэата Оскара – Яна А. П. Качмарэка).
Хор даў 3000 канцэртаў на чатырох кантынентах. Браў удзел у прэстыжных музычных фестывалях, выступаў у Carnegie Hall, Берлiнскай Фiлармонii, венскiм Musikverein, Berliner Dom, Notre Dame ў Парыжы, Konzerthaus Berlin, Gewandhaus у Лейпцыгу, Санкт-Пецярбургскай Фiлармонii і Matsumoto Harmony Hall у Японii.
Дырэктар калектыву – Яцэк Сыкульскi, кампазiтар i дырыжор. У сваёй працы пастаянна эксперыментуе, шукаючы новыя формы музычнай экспрэсii. Яго творы i аранжыроўкi атрымлiваюць высокую адзнаку як з боку музычных крытыкаў, так i з боку публiкi.
Сыкульскi запiсаў больш за дзесяць пласцiнак i праграм, у тым ліку, для Польскага Тэлебачання, Радыё ВВС, Радыё SFB. З’яўляецца членам журы некалькiх конкурсаў, вядзе семiнары-практыкумы ў Польшчы i за мяжой.