-
Вход:
Свободный
2 траўня 2015 года спаўняецца 60 год з дня нараджэння вядомага беларускага фолькларыста, аранжыроўшчыка хормайстра, кіраўніка знакамітага ансамбля “Грамніцы”, прафесара кафедры беларускай народна-песеннай творчасці Беларускага дзяржаўнага універсітэта культуры і мастацтваў Уладзіміра Зяневіча.
З гэтай нагоды маэстра ладзіць творчую вечарыну, якая адбудзецца ў Зале канферэнцый Нацыянальнай бібліятэкі Беларусі .
У вечарыне возьмуць удзел папулярныя беларускія гурты, якія працуюць з фальклорам у разнастайных сучасных стылях ад “пост-фольку” і “новай традыцыі” да “фольк-року” і этнічнага джазу. Нягледзячы на часта палярную супрацьлегласць творчых падыходаў, ёсть тое, што аб'ядноўвае гэтыя групы - амаль усе яны выляцелі з аднаго гнязда, лідарамі або ўдзельнікамі іх з’яўляюцца выпускнікі і студэнты кафедры беларускай народна-песеннай творчасці — вучні Уладзіміра Зяневіча.
Запрашаем наведаць вечарыну, якая адбудзецца 5 траўня 2015 году, а 17:00 гадзіне. Зала канферэнцый Нацыянальнай бібліятэкі Беларусі . Праспект Незалежнасці, 116. Уваход вольны.
Свободный