18 снежня а 18-й гадзіне запрашаем Вас прыняць удзел у свяце «Беларуска-нямецкія Каляды», якое традыцыйна ладзяць Дзяржаўны музей гісторыі беларускай літаратуры, Інстытут нямецкіх даследаванняў і Беларускі дзяржаўны ўніверсітэт культуры і мастацтваў.
У праграме свята: прадстаўленне беларускага каляднага абраду, выкананне вакальных нумароў, а таксама калядныя гульні, частаванне, абмен падарункамі, новыя знаёмствы...
Для ўдзелу ў мерапрыемстве неабходна зарэгістравацца, адаслаўшы на адрас ifd@bsu.by Ваш кароткі верш, пераклад ці аповед на тэму "Зімовыя святы" да 16.12.2012 г. За лепшыя работы творцы атрымаюць прызы. З’яўленне на мерапрыемстве ў карнавальным строі, які будзе прызнаны журы лепшым, таксама будзе адзначана прызам.
Месца правядзення: Дзяржаўны музей гісторыі беларускай літаратуры (вул. М.Багдановіча, 13, Траецкае прадмесце).
Кантактныя тэлефоны: (017) 209-59-90, (017) 334-56-21.